أمير عيد يثير الجدل أنا مش قدوة.. ولو حد تجاوز برد عليه وبشتمه

كشف الفنانأمير عيدعن بداياته الفنية، مؤكدًا أنه كان يرى نفسه مطربًا منذ طفولته، بجانب الحديث عن أهمية احترام مهنة الفن والجمهور.

وقال أمير عيد في تصريحات تلفزيونية: أنا كنت بتخيل نفسي من وأنا طفل إني هكون مطرب وحواليا جمهور، وبعتبر نفسي إنسان محظوظ وربنا أنعم عليا بنعم كتير بحمده عليها يوميا، والفن اللي بقدمه بيكسر المألوف.

وواصل أمير عيد: لازم الفنان يحترم مهنته، وفيه أشخاص بيسطحوا مهنة الفن ومش بيحترموا المستمع وبيعتبروه سلعة، وجملة المصريين بيحبوا الهلس تقليل مننا وكأننا قطيع رغم إن كل شخص مختلف عن التاني.

أنا مش شايف نفسي قدوة

كما تحدث الفنانأمير عيدعن فكرة أن الفنان قدوة للجمهور، وبجانب ذلك حديثه عن تعامله مع الجمهور وارائهم فيه كفنان وأغانية الذي يقدمها، مشيرًا: مش شايف نفسي قدوة أنا إنسان.

وقال أمير عيد خلال حواره في إحدى البرامج التليفزيونية: أنتوا قررتوا أني قدوة، ولكن أنا مش شايف نفسي قدوة.. أنا إنسان مش قدوة.. وفكرة الفنان قدوة كرهتنا في فنانين كتير أوي، وتغلبت على فكرة القدوة واعتبرت نفسي إنسان على طبيعتي.

وأضاف أمير عيد: في مره كنت عامل أغنية وحد شتمني عليها.. كنت قايم أضربه بطبيعتي، ولكن لقيت صاحبي بيقولي أنت شخصية عامة فرحت، ولكن مقدرتش معملش كده، ولما حد بيقولي أنا بحبك أوي بحس أني مستحقش ده لأنه قالها بزيادة جدًا.. وهو ممكن يكون أحسن مني بكتير.. وأنا عارف نفسي وبيجيلي أفكار وحشة لأني بني آدم في الآخر.

واستكمل أمير حديثه: الكلام الحلو الكتير ممكن تصدقه ونفس الكلام لو قال كلام وحش، ولو حد تجاوز برد عليه وبشتمه.. وأنا متلصن بالعافية أني أحافظ على نفسي كـ بني آدم.