بوسي تهاجم سعد الصغير: جنازة والدي متخصش سعد الصغير.. وأنا مطلبتش منك تدخل

تحدثت الفنانة والمطربة بوسي عن علاقتها بوالدها، مؤكدة أنها كانت تساعده باستمرار حتى قبل وفاته، وترد على سعد الصغير بسبب ذهابه الى جنازة والدها.

وأضافت بوسي، خلال حوارها ببرنامج "حبر سري"، مع الاعلامية اسما ابراهيم، على قناة القاهرة والناسميخصش سعد الصغير روحت لأبويا الجنازة ولا لأ، وأنا مبحبش حد يعمل تريند على قفايا، وهو نال جزائه، ومش هتعرف تضحك على الناس وعارفة اللي بيستعرض واللي بيدعي الخير، واللي بيعمل خير مش محتاج يصوره، اللي بيعمل خير بيعمله لله مش للاستعراض، ليه بتدخل نفسك في حاجة متخصكش؟ هتقول زميلتك؟ أنا مطلبتش منك تدخل، وأنا مش عايزة حد يتدخل لأن ده أبويا.

بوسي و وفاة والدها

كشفت المطربة بوسي، تفاصيل معرفتها بوفاة والدها وسبب علمها بخبر وفاته بعدها بيومين، قائلة: "ساعة وفاة أبويا كنت تعبانة وعندي نزلة معوية وقفلة تليفوني وكنت معلقة محاليل ومحدش كان عارف يوصل لي وعرفت بعدها بيومين وممكن الناس مش عارفين يوصلوا لي".

وأضافت بوسي،أنها كانت مريضة وبعد تعافيها فتحت المحمول لتجد رسائل وتم إخبارها بعمل جنازة والعزاء، قائلة: "سألت لو عليه ديون لحد يبلغوني ادفعها وعرفت انه مش مديون".

وتابعت: "كنت بشوف أبويا لما بنزل الزقازيق وكنت بقالي فترة مشوفتوش ممكن سنين بس مش طويلة، وكان نفسي اكون جنبه قبل وفاته ولكن هو طول الوقت مكنش موجود ومش حاسة بالذنب تجاه وعمري ما قصرت معاه".