الرئيس السيسي من المؤتمر الوطني للشباب بالإسكندرية: أنا أمين معاكم وعليكم.. هنعمل كورنيش جوه البحر ملهوش مثيل.. حجم العمل في مصر عايز شغل ليل ونهار لعشرات السنوات 

سأل الرئيس عبد الفتاح السيسى، الحاضرين فى المؤتمر الوطنى للشباب، هل أترك المواطنين يسكنون فى الصفيح وينامون فى الشوارع، ونأكل، أم ننقل المواطنين إلى بشائر الخير وتصبح الدنيا أغلى؟

جاء ذلك تعليقا على المشروعات الجديدة فى الإسكندرية.

وقال الرئيس خلال مداخلة على هامش المؤتمر الوطنى للشباب ببرج العرب بالإسكندرية، إن بناء الدول وإصلاحها أمر ليس باليسير، متابعا: "أنا أمين معاكم وأمين عليكم واللى هيحاسبنى ربنا، حساب البشر سهل، لكن حساب رب البشر صعب، والله مطلع على كل الأمور".

الرئيس السيسي: مصر تحتاج عملا بالليل والنهار لعشرات السنوات

وأكد الرئيس عبدالفتاح السيسي، إنّ حجم العمل المطلوب في الدولة كبير جدا.

وأضاف:«والله العظيم حجم العمل المطلوب فيكي يا مصر عاوز عمل ليل ونهار لعشرات السنين بلا كلل ولا ملل.. ولا دكتور معيط (وزير المالية) يقولي مفيش فلوس».

وأوضح أنّ الدولة تمضي بخطوات جيدة، مشيرا إلى أن الدولة تزرع 2.5 مليون فدان بنهاية العام المقبل على الأكثر كامتداد لمحافظة البحيرة، ولفت إلى أن هذه المساحة توازي مساحة البحيرة ضعفا ونصف.

وتابع: «مفيش حد هيعمر ويبني ويصلح لأجل خاطر الناس وينضام أبدا.. ده اللي بيطبطب على حد ولا يشيل طوبة من الأرض ربنا بيديله حسنة.. فاللي بيغير حياة بلد هل ينضام؟.. لا مينضامش».

لو حبينا نعمل إسكان بديل بالإسكندرية هنتكلم على الأقل في 150 مليار

كماتحدث الرئيس عبدالفتاح السيسي عن أزمة الإسكان كإحدى المشكلات المزمنة في محافظة الإسكندرية، موضحا أن هناك نحو 300 أو 400 ألف وحدة سكنية غير صالحة.

وأضاف السيسي: «الوحدات دي لو حبينا نعملهم إسكان بديل إحنا بنتكلم على الأقل لو الوحدة بنص مليون في 300 ألف وحدة يبقى 150 مليار».

وأشار إلى مشروعي بشاير الخير ومشارف، قائلًا: «مشارف دي كانت موجودة على أرض سبخية وكانت فيها مياه.. إحنا خلصنا 500 فدان وشغالين في ردم 1000 فدان في منطقة العامرية، وإحنا بنعمل ده بيتعمل الطريق اللي يربط العامرية مش بشرق إسكندرية لا بنعمل الطريق عشان نربط بالطريق الصحراوي».

السيسى: «اللى يتحرك ويبنى ويعمر لأجل خاطر الناس عمره ما ينضام»

ووجه الرئيس عبد الفتاح السيسى، رسالة إلى الحاضرين فى المؤتمر الوطنى للشباب ببرج العرب بالإسكندرية، قائلا: "أوعوا تفتكروا إن فيه حد هيتحرك ويبنى ويعمر ويصلح لأجل خاطر الناس وينضام".

وتابع الرئيس: "اللى هيغير حياة بلد هينضام؟ لا والله"، لافتا إلى أن الدولة تعمل على زراعة 2.5 مليون فدان بامتداد محافظة البحيرة، بما يعادل ضعف المحافظة، وستكون جاهزة بنهاية العام.

وشهد الرئيس افتتاح مستشفى كوم حمادة التخصصى، ووحدة زرع النخاع التى تخدم 4 محافظات.

والمؤتمر ملتقى للحوار المباشر بين الدولة المصرية ومؤسساتها المختلفة والشباب المصرى الواعد الذى يطمح فى مستقبل أفضل لوطنه من خلال رؤية وطنية وتخطيط علمى وحوار بناء.

ويشارك فى المؤتمر عدد كبير من الشباب؛ يمثلون كل شرائح وقطاعات الشباب المصرى من شباب الجامعات والرياضيين والمثقفين والإعلاميين وشباب الأحزاب وعدد من أعضاء مجلس النواب.