لوسي عن مسرحية الحفيد: فيها ألفاظ خارجة وإيماءات عمري ما أقبلها في المسرح القومي

قالت الفنانة لوسي: "بيفكروا يرجعوا مسرحية الحفيد من غيري علشان أنا انسحبت، لأن ما ينفعش أبقى بعمل عرض محترم لأديب محترم وقصتين كل الناس عارفاهم اللي هما أم العروسة والحفيد وأبص بعد بروفات سنة ألاقي إن مش دا العرض اللي بشتغله".

وأضافت خلال تصريحات تليفزيونية: "تفاجأت بعد بروفات سنة لمسرحية الحفيد لقيت خروج عن النص وألفاظ خارجة وإيماءات أنا لا أقبلها في الشارع فما بالنا بالمسرح القومي وفي قاعة السيدة العظيمة سميحة أيوب، لأ أنا ما أقدرش أستحمل كده".

مسرحية الحفيد

وأكملت: "44 ليلة عرض كنت بنزف دم من مناخيري وبعمل 3 مراحل عمرية وفي 30 ثانية أبقى واحدة صغيرة وفي 30 ثانية أبقى ست كبيرة".

وتابعت لوسي: "مفيش التزام في الحوار وفيه فنانة بتقول أنا ضربتها بالقلم طيب أنا ضربتك بالقلم الأول والثاني طيب والثالث والرابع والخامس سكتي ليه، هو أنا رايحة اتخانق".