حسن يوسف: توفيق الدقن كان بيحب يسهر بليل علشان يشرب.. بس لما بعد عن الخمرة قدر يركز في شغلوا

تحدث الفنان حسن يوسف عن علاقته بالراحل توفيق الدقن، مشيرًا أنه عندما بطل الخمور ظهرت قوة الفن اللي كانت بداخله.

وقال حسن يوسف خلال ندوة تكريمه عن مجمل أعماله الفنية بقصر السينما تحت رعاية وزيرة الثقافة نيفين الكيلاني، توفيق كان عنده عادة أنه لازم يشرب وكان بيروح البيت مونون، ولما سافرنا علشان التصوير لازم الفندق كل أثنين في أوضة وحظي كان معاه.

وأضاف الفنان حسن: أنا ساعتها كنت عمال أقولوا كفاية يا استاذ توفيق لانه قاعد طول الليل يشرب، وجه في مرة ولاده قرروا يصوروا وهو جاي من بره شارب وكان هزار.

وتابع يوسف: في يوم وهو راجع ولاده حطوا الكاميرا في البيت وصوره، وجه تاني يوم قالوا بص يا بابا كنا مصورينك وانت راجع بليل، وشاف نفسه وهو بيكلم ومونون على الأخر، أقسم بالله أنه مش هيشرب أي حاجة تاني، وكان صادق في حلفانة وركز في شغلوا وخرج الشخص المحب اللي كان محبوس جواه.

حسن يوسف: شمس نسيت الفن وحياتها بقت في المطبخ

كشف الفنان حسن يوسفأنه هو من تعاقد لزوجته الفنانة شمس البارودي للمشاركة في بطولة فيلم اتنين على الطريق، والذي تعاونت خلاله مع الفنان عادل إمام عام 1984، والذي يعتبر آخر ظهور سينمائي لها، بجانب حديثه عن الفيلم الوثائقي عن حياتهما الشخصية.

وقال حسن يوسف خلال ندوة تكريمه في قصر السينما، إن زوجته الفنانة شمس البارودي كانت رافضة التعاون مع الفنان عادل إمام في فيلم اتنين على الطريق، موضحًا: شمس كانت معترضة تمثل قدام عادل إمام، وقولتلها أنا تعاقدت ليكي، ولكن الفيلم منجحش أوي رغم إننا سافرنا اليونان.

وتابع حسن يوسف: شمس لما اعتزلت كانت أعلى أجر وكانت بتاخد 20 ألف في الوقت اللي الناس بتاخد فيه 4 آلاف.. وابني عمر بيكتب فيلم وثائقي عننا وهو لغاية دلوقتي كسلان في الكتابة.