رئيس الوزراء: ما تحقق من مشروعات في 4 سنوات لم يكن يتحقق في 15 عاما

قال الدكتور مصطفى مدبولي، رئيس مجلس الوزراء، إن الإنجازات التي شهدها اليوم في الإسكندرية، نفتخر به جميعا أنه تحقق في 3 أو 4 سنوات فقط، فتلك المشروعات بالمقاييس الطبيعية كان من الممكن أن يستغرق من 10 لـ 15 عامًا، « بس عملنا جهود جبارة عشان نعوض الفترة اللي منطلقتش فيها مصر في هذه النوعية من المشروعات اللي فعلا كل هذه المشروعات النهاردة بتوفر فرص عمل وفرص تجارية بينية، وتعظيم لقدرات مصر، عشان تبقى مركز إقليمي وعاملي على مستوى العالم في هذه النوعية من التجارة الكبيرة للغاية».

وأضاف «مدبولي»، خلال مؤتمر صحفي عرضته قناة «إكسترا نيوز»، «زي ما حضراتكم شايفين حجم الصادرات نقدر نقول إننا نصدر بكميات اكبر في هذه النوعية من المواني، وده جزء من الأجزاء المهمة جدا ان يبقى عندنا أكبر الشركات العالمية تبقى موجودة معانا وهي اللي بتدير وتشغل كل هذه النوعية من البنية الأساسية الضخمة اللي احنا بنعملها».

وتابع رئيس مجلس الوزراء: « الموضوع مش تحدي فقط اننا نعمل البنية الأساسية ولكن نضمن انها تفضل شغالة ومصانة على أعلى مستوى وطبقا للمواصفات العالمية وهو عشان كده أهمية وجود شركات عالمية تشتغل معانا انها تبقى موجودة تضمن لنا التشغيل الكفئ والكامل لهذه المحطات والأهم اننا نتعلم ونكتسب خبرات منهم وده أعتقد أن ده التوجه اللي النهاردة الحمد لله بنتحرك فيه وان شاء الله الفترة القادمة يبقى فيه المزيد من الأرصفة والموانئ المصرية أنها تبقى بهذا الشكل وبشكر حضراتكم جميعا».