الرزق بتاع ربنا.. وفاء عامر تكشف عن استبعداها من مسلسل بسبب منة فضالي

كشفت الفنانة وفاء عامر على حقيقة وجود خلاف بينها وبين الفنانة منة فضالي، حيث تم استعبدتها من أحد المسلسلات.

وقالت وفاء عامر خلال لقائها في برنامج كلام الناس مع الإعلامية ياسمين عز: محدش يقدر يستبعدني غير ربنا سبحانه وتعالى والشغل رزق، وحتى لو فيه وقيعة وأنا زعلانة معاكي هل من الشرف إني أستبعدك، يعني لو الكلام ده عليا أنا فهل ده من الشرف والأمانة والدين، بالعكس المفروض ما استبعدش حد وأساعده ياكل عيش.

وأضافت وفاء عامر: ربنا يزيدها ويكرمها ومش تستبعدني بس لأ تستبعد كل الزملاء، ولو هي استبعدتني فشكرا ليها، وأنا أشدت بها في مسلسل جعفر العمدة وكتبت أنها عاملة خطوة مهمة مع محمد سامي ومش هغير رأيي، وأحسن حاجة يكون الواحد قادر يكون عارف قيمة نفسه وعارف إنه ما ينفعش يكون له بديل، ومنة أكيد لو قالت كده فمش قصدها ومش عاوزة أظلم حد، لأننا اتعلمنا نحترم بعض.

حالة وفاء عامر الصحية

من جانبه كانت قد أعلنت الفنانة وفاء عامر عن تعرضها لحادث سير، وذلك عبر حسابها الشخصي بموقع التواصل الاجتماعي فيسبوك.

وكتبت وفاء عامر:الحمدلله رب العالمين، الحمدلله رب العالمين، الحمدلله رب العالمين.. حادث ونجوت بأعجوبة.. أعتذر على عدم الرد.