رئيس التحرير
محمود سعد الدين
NationalPostAuthority
الرئيسية حالا القائمة البحث
banquemisr

ياسمين عز تنصح السيدات: سيبي الأوضة للفرعون عشان ينعم بالفريون

ياسمين عز
ياسمين عز

وجهت الإعلامية ياسمين عز، نصيحة إلى السيدات في أولى حلقات الموسم الجديد من برنامجها “كلام الناس” الذي يعرض عبر قناة “MBC مصر”، عن الخناقة الشهيرة التي تتكرر كل صيف بين الزوج والزوجة بسبب مكيف الهواء. وقالت خلال تقديم البرنامج: «في خناقة شهيرة بتتكرر كل سنة من واجبي تجاهك إني أحذرك منها وأقولك تتعاملي معاها إزاي.. وأنا هنا بتكلم عن خناقة ريموت التكييف.. ريموت التكييف الصيف يبدأ من هنا وتلاقي الراجل ومراته اتحولوا لتوم وجيري في البيت وابتدوا يجروا ورا بعض في البيت.. مين عايز ينام في التكييف ومين مش عايز ينام في التكييف».

وأضافت: «ورقة وقلم يا ست الكل واكتبي معايا أفضل السيناريوهات اللي تتعاملي فيها مع هذا الوضع أو مع الوضع ده.. أول سيناريو لو جوزك حبيبك راجلك تاج راسك عايز ينام في التكييف.. وانتي واحدة بتحبي تنامي في الحر الإجابة ببساطة تسيبي الأوضة للفرعون عشان ينعم بالفريون».

تصريحات ياسمين عز:

وتابعت: «انتي بقى تروحي فين؟ روحي في أي حتة في الشقة الشقة كبيرة.. مش انتي قبل ما تتجوزي كنتي بتتخانقي على مساحة الشقة وعايزاها 185 متر من غير بروز ومناور عشان هو يوم ما يحب ينام في التكييف تضايقيه؟ اطلعي يا ست الكل نامي بره في حضن عيالك ولا نامي ع الكنبة.. نامي ع الكنبة مالها الكنبة ما انتي ممدة ضهرك طول اليوم وهو طالع عينه في الشغل».

وأكملت: «نروح لسيناريو آخر.. انتي ست بتحبي الأجواء القطبية الشمالية القارصة وعايزة تنامي في التكييف على درجة 16 والراجل الغلبان الطيب جنبك عايز يقفل التكييف عشان بردان.. يبقى إيه الوضع ساعتها هتقفلي زرار الباور اللي بيشغل ويطفي التكييف على طول».

تم نسخ الرابط