تامر هجرس: أنا مش بغير على مراتي.. ولما الناس تكون معجبة بمراتك او بتبص عليها لازم تفتخر بده

تحدث الفنان تامر هجرس، عن قصة حبه مع زوجته، مشيرًا أنه التعارف كان في الجامعة وهي من أصل مصري ولكن كانت تعيش بالكويت وليس لها علاقة بالمجال الفني.

قال “هجرس” خلال لقائه ببرنامج “واحد من الناس” مع الإعلامي عمرو الليثي، عبر شاشة “الحياة”، إنها مصرية وكانت تقييم في الكويت، وجاءت للدراسة في مصر، مؤكدا على أنه سعيد بالتعرف عليها وحتى الآن متزوجان منذ 25 عاما.

تامر هجرس: أنا فخور أن مراتي الناس بتبص عليها

وأضاف هجرس: “صحابي قالولي فيه بنت مصرية حلوة جدا جاية من الكويت اتعرفت عليها وأعجبت بها جدا واكتشفت إنها أحلى ست، واكتشفت إنها حلوة مش بس من برة لا من جوة كمان، وحظي حلو إني متجوزها لحد النهاردة، هي ملهاش علاقة بالفن ولكن تعملفي مجال التغذية.

أكمل: “أنا بقول للرجالة أما يكون فيه إعجاب أو تكون حاسس إن الناس بتبص على مراتك أو حبيبتك يبقى لازم تتأكد إنك مع واحدة جميلة جدا، فتفتخر بالجمال ده، ما هو ده اللي جابك ليها وحببك فيها ودائما بقول مينفعش الراجل يحب واحدة في إطار معين وبعد كده أما يتجوزوا يمشي رأيه ومتلبسيش ومتخرجيش إنت كده بتطفيها”.