محسن جابر مهاجمًا عمرو مصطفى: عايز يلبس أم كلثوم شورت

رد المنتج محسن جابر، علي تهديد المطرب والملحن عمرو مصطفي، باللجوء للقضاء ضده علي خلفية أزمة أغنية أم كلثوم بتقنية الذكاء الاصطناعي.

وقال المنتج محسن جابر خلال مداخلة هاتفية ببرنامج “حضرة المواطن” الذي يقدمه الاعلامي سيد علي بقناة “الحدث اليوم”:"انا اشتريت كل أغاني وتراث أم كلثوم من الورثة.

وأضاف المنتج:فلما يجي عمرو مصطفى يعمل أغنية من وجهة نظره يألفها ويلحنها ثم يستحضر صوت أم كلثوم دي مش افتكاسة وبس، لأ الأمر أكبر من كده بكتير لأنه يحمل إساءة لأم كلثوم، إزاي كوكب الشرق يتعمل فيها كده، وايش عرفه إن أم كلثوم هيعجبها اللى عمله ده ليه نلبس أم كلثوم شورت ومين اللى يختار لها.

وأضاف: استحضار صوت ام كلثوم شئ من العبث، طب ليه مستحضرش صوت من اللى عايش زي عمرو دياب علشان عارف انه هيعمل لنفسه قلق، هو شبط في أم كلثوم علشان عايز يعمل ضجة وخلاص.

ولفت:مشوار عمرو مصطفى كله عندي في شركتي وانا اللى احتضنته من اغنية خليك فاكرني، لما يطلع يكتب بوست ويقول انه هيقاضيني فهذا يحمل غل وحقد.