بعد مكالمة الزعيم.. عمرو أديب: شريف عامر قرر يكون إنسان 

دافع الإعلامي عمرو أديب، عن الإعلامي شريف عامر، بعد مداخلة الفنان عادل إمام الشهيرة، يوم عيد ميلاده.

وأضاف في برنامجه الحكاية على قناة mbc مصر: «شغلنتنا دي قايمة على جزء من الثانية، يعني المفروض وأنا بكلم المشاهد أكون بكلمه بشكل واعي والكلمات تطلع صح ومبوظش الدنيا ومغلطش وكل ده بيحصل في واحد من جزء في ثانية».مكالمة عادل إمام:

وتابع: «شغلنتنا ليست بالسهولة، ففي ثواني معدودة يجب أن تقرر أشياء كثيرة، فعلى سبيل المثال، الزعيم عادل إمام قعد يكلمني سنوات في القاهرة اليوم على قناة أوربت، ويقولي على الهواء تصبح على خير أنا داخل أنام، وبقى الموضوع إفيه كل أسبوع يعمله، وأنا لا أدعي إني صديقه، لكن أنا أعرف عادل إمام، سافرت معاه إلى أسيوط، أول لقاء تلفزيوني مباشر أنا اللي عملته».

وأردف: «رفقًا بالفكرة، ممكن أسأله سؤال وميردش، مش في الموود، مش عايز يرد، فشريف عامر قرر أن يكون لطيف وظريف وإنسان، هي دي الحكاية، والشغلانة دي قايمة على تاريخ كامل مش حلقة أو أربع أو خمس دقايق، وبقول أخويا شريف معلش وأنا فاهم تصرفك كان جاي ازاي، وشريف إنسان جدًا».