محامية زوجة شاكوش تفجر مفاجأة: ريم مش بنت الجيران.. وكان عارف أنها أتجوزت قبل كدة 

فجرتهايدي فضالي، محامية ريم طارق زوجة مغني المهرجانات حسن شاكوش، عدة مفاجأة بشأن الأزمة التي تم تداولها بشكل واسع عبر مواقع التواصل الاجتماعي المختلفة.

وقالت خلال تصريحات تليفزيونية: «ريم مش بنت الجيران زي ما أدعى حسن شاكوش.. وكان دايمًا بيعايرها بمرضها اللي عبارة عن عدوى على الرحم اتسببت في تأخر الحمل».

واستكملت: «حسن شاكوش كذب في التحقيقات وقال إنه معاشرش ريم خلال زواجهم، وده محصلش والدليل إن اخته راحت معاها للدكتور عشان تتأكد من حملها».

وتابعت أن شاكوش كان يبحث عن زوجة وأن أصدقاء مشتركين هم من رشحوها له وهو يعلم جيدا ظروفها وأنها كانت متزوجة من قبل وأنها كانت محافظة للغاية كما طلب ولكن لم تقف مكتوفة الأيدي أمام علاقاته الكثيرة.

واستكملت: «بيقول إنه ميعرفش إنها متجوزة قبل كتب الكتاب، دا طلب منها ورق كتير أوي واخد البيانات وراح للمأذون ومكتبش مؤخر الصداق المتفق عليه مع مأذون غير اللي ظهر في الفيديو المنتشر.. اللي يعتبر خطبة إشهار».