نهال عنبر عن مقلب رامز جلال: والله العظيم مكنتش أعرف أني رايحة.. واترعبت لما شوفت التور بيجري وره ابني

كشفت الفنانة نهال عنبر عن حقيقة معرفتها بمقلب رامز جلال، في برنامج المقالب الشهير “رامز نيفر إند”، الذي عرض خلال الماراثون الرمضاني السابق 2023.

وقالت نهال عنبر خلال لقائها مع “بصراحة”: والله العظيم مكنتش أعرف أني رايحة لرامز جلال حسام ابني اللي كان عارف وقالوا ليه أوعى تقولها والثور لما لقيته بيجري وره ابني اترعبت وكنت هكسر المطعم.

وأضافت: رامز محترم معايا جدًا وكان هزاره معانا خفيف، وعمل فيا مقلب زمان قبل ما يبقى فيه رامز خالص حطلي صاروخ تحت الكرسي وصرخت وجريت في اللوكيشن هو غاوي مقالب من صغره .

نهال عنبر تتحدث عن جنازة الفنانين

وكانت قد تحدثتالفنانة نهال عنبر، عن تغطية جنازات الفنانيين خاصة بعد الجدل الذي أثير خلال الفترة الماضية بعد الصورة المتداولة فى عزاء الفنان الراحل مصطفى درويش.

وقالت “عنبر خلال مداخلة فيديو في برنامج“مساء dmc” المذاع عبر شاشة “dmc” وتقدمه الإعلامية إيمان الحصري: “لازم نحترم مشاعر الأهل اللي فقدوا حد فجأة وأعصابهم تعبانة، والأصدقاء اللي فقدوا حد غالي عليهم، ميبقاش عندهم طاقة للتجاوب مع الصحافة”.

وأضافت: “أنا دايما أقول أن الصحافة لما بتغطي الجنازة ده تكريم للفنان دي حاجة كويسة، لكن في لحظات مينفعش الصحافة أو الكاميرات تدخل فيها، زي لحظة دخول المدفن أو لحظة الشيل من الصندوق، ودي دين كمان مش بس مشاعر”.

وتابعت: “لما بلاقي كاميرا دخلت في اللحظات دي أهل الميت بيثوروا ثورة عارمة وده حقهم لأن دي مشاهد مش لطيفة أبدا أن الجسم يبان بالقماش طبعا مش كل الصحفيين بيعملوا كده”.

أردفت: “للأسف لما جينا في جنازة الأستاذ مصطفى درويش نقولهم على الشركة قالوا إحنا اتفقنا على كل حاجة فمرضيناش نضايقهم، بس الشركة دي بتنظم كل حاجة إحنا عملنا عقد معاهم أن من أصغر فنان لأكبر فنان ينطم جنازته”.