كنت عايز تشتغل لوحدك لما زعلك علشان مصلحتك.. زوجة هاني محروس تهاجم نجم ذا فويس خالد الفايد

علقت عفاف جريس، زوجة المنتج ومهندس الصوت هاني محروس، على تصريحات خالد الفايد الأخيرة، بشأن تعرضه للتهديد من قبل زوجها، بعد اعتزاله الغناء كونه كان ملتزمًا معه بعقد وشرط جزائي ولم يلتزم بالمدة المحددة بالعقد.

وكتبت عفاف جريس منشورا عبر حسابها الشخصي بموقع فيسبوك: طيب بما ان الموضوع انتشر وهاني محرج علينا مانتكلمش بس انا مش هقدر لان الكلام ده كبير ودخل في الدياناتخالد فايد انت قبل ماتعتزل بنص ساعة كنت عايز عقدك انت ومامتك وخالك علشان زعلان من هاني انه اول مرة يزعقلك علشان بتنزل بوستات هبلة وبيقولك انت مشروع نجم لازم تاخد بالك من تصرفاتك وفيديوهاتك.

وأضافت زوجة المنتج: هاني محروس ده اللي اعدك في بيته في القاهرة سنتين و٢٤ ساعة اعد في الستوديو معاه ومع فنانين مصر كلهم واعتبرك ابنهشهادة حق اتحاسب عليها قدام ربناخالد كان عايز العقد علشان يشتغل لوحده ويبعد عن هاني مش علشان يعتزل خالص ولما هاني قال لمامته انا عامله البوم وصارف عليه يمشي ازاي لقي الدنيا مقفوله في وشة طلع من الستوديو كتب الكلمتين دول عنده علي الفيسبوك وقال مش عايز حاجة من الدنيا ومش عايز الفن والكلام اللي كتبه.

عفاف جرجس: الناس فكراه أعتزل ومصر كلها بتدعيله بالهداية

وتابعت عفاف جرجس:وللاسف الصحافة فهمت انه اعتزلوفي نص ساعة بقيمصر كلها بتدعيله بالهداية وطبعا دي الحاجة الوحيدة اللي مايقدرش يعترض عليهايعني من الاخر بوست صغير منه حكم علي نفسه انهانهي طريق لسة ما ابتدهوش اصلا، واحنا قلنا كعيلة مسيحية كل صحابنا وحبايبنا مسلمين اكيد ربنا كان كاتبله كدة وربنا يعوض علينا الفلوس اللي اتصرفت عليه وهو عيل صغير ويشيل شيلته ونسناه خالص ولا بنهدده ولا فاكرينه اصلا.

وأختتمت عفاف: وانا الوم علي الصحافة لما تكتب كلام بالمنظر ده وبالطريقة دي علي راجل عارفينه كويس ولو مش عارفينه اسالوا عليه وتمشوا ورا عيل صغير وتعملوا فتنة طائفية في الوسط الفنيوشكرا للصحافة المحترمة اللي مارديتش تتدخل واحنا عارفينهم كويسهاني محروس ابن اصول مفيش اجدع ولا ارجل ولا اكرم منه والدنيا كلها تشهد بده مش انا بس.