محدش يعرف الحقيقة فين.. حسن شاكوش يعتذر لجمهوره بعد تداول أزمته مع زوجته على السوشيال ميديا

حرص المطرب حسن شاكوش على الإعتذار لجمهور بسبب استياء البعض عن تداول أزمته مع زوجته بشكل كبير على السوشيال ميديا.

وكتب شاكوش عبر حسابه الشخصي بموقع التواصل الاجتماعي فيسبوك: الحمد الله والشكر ليك يارب علي كل حال الحقيقة الفترة اللي فاتت شاركنا معاكم مشاكل كثيرة مكنش ينفع اننا نشاركها معاكم لأن محدش يعلم شئ طلاما محدش شاف حاجة وانا برضو هفضل عند قراري.

وأضاف: مش هتكلم في اي تفاصيل حتي مهما سمعت اي تجريح بس حقيقي كل شخص هيتسأل قدام ربنا عن كلامة بس الحمد الله وانا حابب اعتذر لكل اهل بيتي وجميع افراد ادارة اعمالي وكل فرد في فرقتي علي الاساءة اللي بيتعرضولها يوميا من خلال السوشيال ميديا وخارج السوشيال ميديا.

وواصل: للاسف تاني لكل اهل بيت في مصر وبرا مصر علي الاساءة اللي حصلت علي السوشيال ميديا.

وعن سخريته من نفسه قال شاكوش: حبيت اشارك معاكم التريند بطريقة كوميدية وفيديو ترفيهي علي التيك توك بدون الاساءة في اي شخص ربنا يعلم انها حاجه ترفيهيه فقط وربنا يهدي حال الجميع والحمد الله علي كل شئ وانتظروا شغل جديد الفترة اللي جاية دعواتكم.