والله مليش علاقة بخالد.. هاني محروس يرد على إتهامات المطرب المعتزل خالد الفايد| خاص

رد المنتج الفني هاني محروس صاحب شركة «Nj Music Productions» على نجم ذا فاويس السابق خالد الفيد على أتهماته بسبب أعتزاله الغناء وفسخ العقد المبرم بينهم.

وقال هاني محروس لموقع «بصراحة» الاخباري:أنا والله مليش علاقة بخالد من قريب ولا بعيد، ومعرفش اي حاجة عن التهديدات دي، وأنا مش هرد عليه لان مردتش على نجوم كبار كل حاجة بالقانون.

خالد الفايد على الفيسبوك

وفي وقت سابق كتب المطرب الشاب المعتزل خالد الفايد عبر صفحته الشخصية «فيسبوك»:الدفاع عن النفس واجب وانا بدافع عن نفسي، انا مش بلبس سلاسل ولا بقا ليا في الكلام ده كله، انا واحد ساب بيته وساب اهله وساب حياته كلها علشان يقدر يصلي ويقرب من ربه لكن معرفتش اقرب من ربنا في بلدي اللي هي بلد اسلاميه.

وأضاف خالد: بقت تجيلي تهديدات من هاني محروس وناس من طرفه بتدخل تكلمني يقولولي هاني محروس هيعمل كذا وكذا وكدا وخللي بالك منه، وكمان الرساله اللي كان بعتها لاهلي بيقولي القانون بيننا، تمام خللي القانون بيننا وانا هسيب ربي بيني وبينك لو مش ف الدنيا هيكون في الاخره ولا يظلم ربك احدا وحسبي الله ونعم الوكيل، ليا طلب عندكم اي حد يشوف البوست يشيره علشان صوتي يوصل وحد يتدخل ينقذني من الشخص ده.