على جمعة: المشاحنات والمشاجرات بين الأزواج قلة دين وأدب

قال الدكتور على جمعة، عضو هيئة كبار العلماء، بالأزهر الشريف، إن المشاحنات والمشاجرات بين الأزواج والتى يكشف على إثرها أسرار البيوت، تعتبر قلة دين وأدب، مشددا على ضرورة الدعاء دائما "يا رب هدى البال واصلح الحال".

وأضاف عضو هيئة كبار العلماء، بالأزهر الشريف، خلال حلقة برنامج "مع الناس" المذاع على فضائية "الناس"، اليوم الأثنين: "الأمور لا تحل بهذه الطرق، وبعدين المرأة فى الحقيقة هى مكون من أمرين صفات خلقية زى الحمل والرضاعة، وصفات تانية بيئية وأخلاقية، الراجل والست اللى قاعدين فى الغابة، بيئتهم وتصرفاتهم تختلف عن الست والراجل المتعلمين".

الخلافات بين الأزواج

وتابع: "زمان كان الست يعنى أقل حظا فى التعلم من الراجل ومكنش لها إلا بيت زوجها والحكاية بتاعتها وتكون فرحانة إنها تجيب لها 10 أو 15 عيل، يخدموها، ولا تروح وتشتغل ولا احتكت بأى أمر، ومفيش عندها خبرة، شوف فى أدبياتنا القديمة الأميرة ذات الهمة، شوف ومكنتش نصف المجتمع ولا رايحة تتعلم ولا راحت تأخد مناصب ".