عمرو أديب: لا فائدة من أي تعويم طالما مفيش دولارات تغطيه أو تسنده

علق الإعلامي عمرو أديب، على الحديث عن وجود تعويم جديد للجنيه، قائلا «لا فائدة من أي تعويم طالما مفيش دولارات تغطيه أو تسنده.. لبي عشان ماتتلبش.. لو معكش وعومت (هتتلب) أنت لو مش معاك تسند ماتعومش لازم تكون مسنود من بيع أصول أو شركات»، متابعا: «من غير تعويم في تعويم فكتير من السلع بيتم تسعيرها براني مش على سعر البنك المركزي».

وتابع في برنامجه «الحكاية»، مساء اليوم الاثنين: «أنا مش مشتري ولا ليا مصلحة ولا عايز حد يشتري.. كل دولة حاليا بتشوف عندها إيه ممكن تبيعه ومايأثرش على الدولة ولا الأمن القومي»، مضيفا: «في حاجات مافيش مشكلة إن الدولة تبيعها يعنى مثلا صافي في شركات زيها في السوق فا مافيش مشكلة إنها تتباع».

عمرو أديب: لا فائدة من أي تعويم طالما مفيش دولارات تغطيه أو تسنده.. لبي عشان ماتتلبش يعرض الآن مجاناً على شاهد#Shahidhttps://t.co/LayFZOKEEy#الحكاية#MBCMASRpic.twitter.com/8HdvRHrwAp

— الحكاية (@Elhekayashow) May 8, 2023

وقال عمرو أديب: «أنا معنديش معلومة هو في تعويم ولا لا ولا في فلوس للتعويم ولا لا».

وأضاف أديب أن «الزبون اللي عايز يشتغل هاته فالأيام الغامقة اللي إحنا فيها دي، ويجب العمل على تسريع وتيرة الإجراءات»، مضيفا: «ياريت عند عرض حصص من شركتي صافي ووطنية.. حطوا نسبة حلوة، بلاش 5%، و10%».

وأشار الإعلامي عمرو أديب إلى أن الوضع ليس مستحيلا، مضيفا: «لا فائدة من تعويم وإنت مش معاك اللي يسنده، يوم ما تعوم لازم تلبي احتياجات السوق، هو من غير تعويم في تعويم، واهدوا شوية لحد ما الوضع يستقر، حيث هناك كثير من السلع تُسعر خارج المركزي، والأزمة في مصر لن تحل من طرف واحد».