أحمد موسي: السيسي استلم الدولة والبنك المركزي على وشك الضياع.. والناس عايزة تأكل وتشرب وبس (فيديو)

قال الإعلامي أحمد موسى، إن الرئيس عبدالفتاح السيسي، استلم الدولة وكان البنك المركزي على وشك الضياع، مشددا: «مش عايزين نرجع تاني للخلف، ومش هنرجع بفضل ربنا».

أحمد موسي: السيسي استلم الدولة والبنك المركزي على وشك الضياع

وأضاف خلال برنامج «على مسئوليتي»، المذاع على قناة «صدى البلد»، مساء السبت: «الدولة تسابق الزمن من أجل التنمية في كل مكان، والله في ناس ما عايزك تعمل طوبة في مصنع، الناس عايزة تأكل وتشرب وبس، ومتعملش حاجة تانية ولا تكبر، ولا تستقر، إحنا تقريبا أكثر دولة في العالم عندها تحديات».

وتابع: «بص على الصورة علشان تعرف اللى بيحصل، ده مش طبيعي، الرئيس يسابق الزمن للتنمية، آه المخاوف مشروعة، وده علشان مصر، شوفوا كان وضعنا إيه في 2011، وجربنا جرينوف في الشوارع، من الجماعة الإرهابية، جماعة الإخوان، في كل حتة في مصر، عشنا أيام سودة، وده كان أكبر تحدي يواجه الدولة، عيشنا فيها، وده كان تحدي، والرئيس اتكلم في ده».

وأردف: «إحنا بلد 104 ملايين نسمة، وفي 9 ملايين ضيوف، والأشقاء السودانيين جايين، وإضافة أعباء أخرى، رغم ظروفنا الصعية، مصر مش هتقدر تقفل بابها في وش حد، ومصر والسودان حاجة واحدة، المجتمع الدولي شايفك وهو عليه مسئولية، آه عليه مسئولية، وبرضه صندوق النقد الدولي، طب هل اتحركوا، ويقولوا في 40 أو 50 ألفا دخلوا مصر وسألوا هل مصر محتاجة حاجة، لاء طبعا، أصعب تحديات، وما خلف التحديات لا يقال».

وختم: «الدولة تشهد الآن حوار وطنيا، والكل لم يرغب إلا في مصلحة الوطن، وليس مصلحة شخصية، موضحا أن الجميع تحدث عن الوقوف والتكاتف من أجل الدولة، قائلا: «في ناس حضرت الحوار ليست مرغوب فيها، بس رئيس مصر الذي دعا لهذا الحوار، وتوصيات الحوار سترفع إليه، وأي حد لا يعترف بدستور 2014 مش موجود في الحوار، إذا هناك ثوابت للحوار».