أحمد سعد ونصيحة للشباب لأختيار زوجاتهم المستقبلية: لازم تكون هي بتحب نفسها وكيانها وتهتم بنفسها أكثر

وجه الفنان أحمد سعدنصيحة للشباب لإخيتار زوجاتهم المستقبلية بعد تجربة زواج 4 مرات متتاليه حلال حياته الشخصية، مشيرا إن لازم الزوجه بتكون تحب نفسها وتهتم بنفسها علشان تحب كيانك.

احمد سعد يتحدث عن اختيار الزوجة

وقال أحمد سعدخلال لقاء تلفزيوني له: من خلال تجربة زواجي 4 مرات، شايف إن قمة النضج إنك تختار زوجة بتهتم بنفسها مش بتهتم بيك أكتر شيء وبتحب نفسها أوي علشان لما تحب نفسها أكتر حاجة تقدر تحبك، مش تقول إنها بتحبني أكتر حد في الدنيا لأ تكون بتحب نفسها وتهتم بنفسها، ويكون عندها كيان وبتحب كيانها لأنها لو بتحب كيانها هتقدر تحب كيانك ولو فاقدة أي شيء في حبها لنفسها مش هتحبك أكتر حاجة.

وأردف أحمد سعد متحدثًا عن أغنيته عليكي عيون وكيف يستخدمها في حل الخلافات بينه وبين زوجته، قائلًا: مراتي اتبسطت من أغنية عليكي عيون وأنا سمعتها ليها وإحنا مش بنكلم بعض، وبسبب الأغنية كلمنا بعض وعرفت أنها مؤشر حلو جدًا لأن اللي بيطلع من القلب واللي بيكون حقيقي بيوصل للناس كل ما نتخانق مع بعض ببعت لها الأغنية دي.

لقاء أحمد سعد وويل سميث

وعن تفاصيل لقائه مع ويل سميث، قال أحمد سعد: مفيش ألقاب بيني وبين ويل سميث، إنتو شوفتوا كان بيرقص إزاي على أغنية إيه اليوم الحلو ده، وكان لذيذ جدا يومها.

وتابع : أنا كنت لسه مخلص حفلة، وويل سميث سمع الأغاني وانبسط بيها انبساط غير عادي، وكانت مزيكا مختلفة بالنسبة له، فطلب مني نعمل دويتو مع بعض.