البلوجر سارة محمد تنهار من البكاء: اللي كان خطيبي شتمني وقالي انتي بتدعي المرض

نشرت البلوجر سارة محمد، فيديو جديد لها عبر صفحتها على موقع التواصل الاجتماعي «فيس بوك»، وهي منهارة من البكاء.

وأضافت خلال الفيديو: «كلكم عارفين اللي جرالي، والخرطوش اللي اخدته في دماغي، والـ 70 غرزة وعيني اللي اتصفت، والأمل الوحيد اللي عندي أن نفسيتي تتظبط وأني أكون كويسة».

واستكملت: «الشخص دا اللي كان خطيبي بيهددني، وبيقولي احترمي مرضك عشان خاطر لما الناس سألتني هو أنتي رجعتي لحياتك القديمة قولتلهم هرجع لحد اتخلى عني؟».

وتابعت: «اتعرضت منه لسب ولكل حاجة مش كويسة بس كل مرة كنت بتنازل عشان خاطر أنا بعز أهله.. بعد كل اللي حصلي بيقولي أنتي بتدعي المرض، وبيهددني وبيقولي متجيبيش سيرتي عندك».

الحالة الصحية للبلوجر سارة محمد كانت كشفت البلوجر سارة محمد، عن حالتها الصحية، وذلك عبر فيديو على موقع تبادل الصور والفيديوهات «إنستجرام».

وأضافت: «أنا طالعة أطمنكم عليا وأشكركم جدًا لدعمك ليا وللناس اللي بتدعيلي عند الكعبة.. دي أكتر حاجة بتسبب لي السعادة، أنا حابة اطمنكم عليا أتابع معاكم، أول حاجة حابة أقولها ليكوا إني الحمد لله راضية بكل حاجة أنا وصلتلها».

واستكملت: «أنا أه فقدت عيني بس عندي أمل إنه في يوم من الأيام إن أرجع أشوف.. لسه الأمل متقطعش عندي، أنا راضية حتى لو كل حاجة اتأخرت.. انشاء الله ربنا يجعلني من الصابرين وأهل الجنة».