الأربعاء 7 ديسمبر 2022
حالا
رئيس التحرير
محمود سعد الدين
alshoura ads

عفاف رشاد للميس الحديدي  بعد تصدرها التريند: ربنا حب يجبر بخاطري ويطبطب عليا

موقع بصراحة الإخباري

 علقت الفنانة عفاف رشاد على الجدل المثار حول ظهورها الأخيرة وتصدرها محركات البحث على مواقع التواصل الاجتماعي قائلة: "كل اللي حصل إني عملت زي كل الناس، غيرت صورة البروفايل على الفيسبوك، وحطيت صورة تانية".



وأضافت الفنانة عفاف رشاد في مداخلة هاتفية لها عبر برنامج "كلمة أخيرة" المُذاع على شاشة ON وتقدمه الإعلامية لميس الحديدي، "وعشان الفنانة عفاف شعيب جارتي وقريبة مني وصديقتي كانت دائماً تقلي: عفاف إعملي شعرك، وحطي ميكب، وماتقلوليش سنك الحقيقي".

وتابعت: "لما قالتلي كده  قولتلها أنا بعمل دور أم كتير، وللمصداقية لازم أظهر بشكل  يليق بدور الأم وسنها في النهاية سمعت كلامها ورحت الكوافير تحت البيت وعملت شعري، زي ما قالت، ولما جه الكوافير يعمل الصبغة، قولتله مش هتبقى لايقة على، قالي: لا هتليق على بشرتك لأنك بولنداية وعملتها ".

وأكملت: "أما عجبتني الصورة   قلت أحطها على الفيسبوك وحطيتها ونمت وفوجئت  بالي حصل.. وأنا ملياش خبرة في السوشيال ميديا " اصلاً ولا عمري فكرت أعمل شهرة لنفسي ولا ألفت نظر الناس لي.. فجأة لقيت الدنيا إتقلبت والناس بتقولي إنتي تريند اتخضيت وخفت وقلت أنا ست في حالي ومعايا ابني، أنا عملت إيه بس؟".  

وأردفت: "اتخضيت واترعبت لأني ما عرفش يعني إيه تريند.. ما فرحتش أوي من كتر التعليقات السلبية على الصورة، وابني  جراح في القصر العيني، اسمه عمر السبكي قالي ذنبي إيه يا ماما اسمع الكلام ده كله؟، لأن الناس قالت إني عملت كده بفلوس محمد السبكي،  رغم إننا منفلصين عن بعض، وعمر سنه سنتين والآن يبلغ 30 عاماً وعلاقتنا كويسة أنا وابنه".

 وواصلت: أنا بحط على وشي حاجات بسيطة في البيت زي الزبادي والجلسرين والليمون وماسكات وما عملتش "بوتوكس"،  وسر جمالي إن ربنا حب يجبر بخاطري  فصحيت لقيت كل الناس بتتكلم عني، وحب يطبطب عليا بكده؛ لأني نمت وقمت لقيت كل الناس بتجيب في سيرتي  ربنا طبطب علي في اللحظة دي وكنت محتاجة طبطبة منه ".

 ورداً على ما تم تداوله حول دعوة الناس لخلع الحجاب قالت: قالوا إني قلت شيلوا الحجاب لأنه بيعمل صداع.. أنا هقول كده ليه بس؟، أنا حجيت في 2008 وفي 2014 ، أنا ست مريضة بالصداع وقلعته عشان تعبانة، فوجئت بالناس بتقولي الحجاب بريء منك ربنا ينتقم منك وهيدخلك النار.  

Go to top of page