10 رسائل من الرئيس السيسي للمصرين في إفطار حي الأسمرات: أهم حاجة يكون مكسبكم والسكن الجديد مناسب ليكم.. المشروعات الجديدة تنمية لخلق فرص عمل للشباب.. لازم تبقي إيدينا مع بعض علشان نتقدم

حرص الرئيس عبد الفتاح السيسي على حضور مأدبة إفطار الأسرة المصرية بمدينة الأسمرات اليوم ووجه الرئيس السيسي العديد من الرسائل للمصرين والتي تتعلق بإنخفاض البطالة وحرص الدولة المصرية على خلق فرص عمل للشباب من خلال المشروعات التنموية الجديدة، ويستعرض موقع «بصراحة» الإخباري أبرز الرسائل التي جاءت خلال حيث الرئيس السيسي وكانت كالتالي:

- أهم حاجة يكون مكسبكم والسكن الجديد مناسب ليكم

2- المشروعات الجديدة هي تنمية لخلق فرص عمل للشباب

3- طالما الناس في خير وسلام وأحسن حال يبقى حلمي ماشي في طريقه

4- الرئيس السيسي لطفل من مدينة الأسمرات: احلم واجري على حلمك وربنا هيحققه ويساعدك

5- من 2011 زدنا حوالي 25 مليون.. واللي قبل مننا معملوش اللي عملناه

6- السيسى عن مشاريع الإسكان: "هنعمل أكتر ونحسن على قد ما ربنا يقدرنا"

7- شرف لينا أننا قررنا ننقلكم للأسمرات بفلوس مصر"

8- لو قدرنا نوفر تعليم جيد هنكون فى مكان تانى

9-المفروض نتكلم ونحسن كلامنا وسلوكنا ومحتاجين نراقب نفسنا

10-لازم تبقي إيدينا مع بعض علشان نتقدم.. ولازم نثق فى أنفسنا وفيما أنجزناه

فقد تفقد الرئيس عبد الفتاح السيسي معرض الأسر المنتجة بمنطقة الأسمرات.

ودار حوار بين الرئيس السيسى وأهالي الاسمرات، حيث سألهم على احوالهم فى المساكن الجديدة، فضلا عن الأوضاع المعيشية.

ووجه الرئيس السيسى بتوفير جميع الإمكانيات للأسر المنتجة فى الأسمرات وقال "هانوفر أى ماكينات أو معدات محتاجينها".

كما أكد الرئيس عبد الفتاح السيسي خلال مأدبة إفطار الأسرة المصرية بحى الأسمرات اليوم الخميس:" ربنا بيساعد اللي يساعد الناس"، مضيفًا: "هنعمل على تحسين الخدمات والمرافق أكثر".

وأضاف الرئيس السيسى:" لازم تبقي إيدينا مع بعض علشان نتقدم.. ولازم نثق فى أنفسنا وفيما أنجزناه".

كما التقط الرئيس عبد الفتاح السيسي صورا تذكارية مع أطفال مدينة الأسمرات وذلك أثناء تفقده المدينة استعدادا لتناول وجبة الافطار بمدينة الأسمرات مع مجموعة من مواطني حي الأسمرات وبعض القيادات الشعبية وأعضاء مجلس النواب.

أجرى الرئيس عبد الفتاحالسيسى، حوارا مفتوحا مع الموطنينبالأسمرات، وقالت السيدة منال على سعيد غارمة من الغارمات أفرج عليها فى أول يوم رمضان: "نقولك شكرا إنك فرحتنا فى أول يوم رمضان وسط عيالنا، وربنا يسعدك، احنا كنا فى ضيقة وكرب شديد، وحضرتك فكيت كربنا، جبنا احتياجات أكبر من طاقتنا ونوعدك عمرنا ما نعمل كده تانى، ربنا ما يرميك فى ضيقة ويقدرك ويسعدك ويجبر بخاطرك".

وقال الرئيس السيسي: "فرصة أن انتو معانا، وانتى تجربة حية، مشيتى فى الطريق دا وشوفتيه ومهم إننا مش إننا حلينا المسألة بالطريقة دى، والناس اللى بتسمعنا وأهالينا اللى بيعملوا كده، واللى بيعملوا عليهم إيصالات، من فضلك قوليلنا التجربة دى، وشوية تفاصيل ونسمعكم كلنا والحكاية دى بتتعمل ازاى، والرقم حقيقى ولا".

وأوضحت السيدة منال: "الرقم كله 45 ألف جنيه، كان الحكم اللى بنفذ فيه أكتر من 70 سنة، وقضيت اللى قضيته وأنصح كل واحد ميحتاجش لإيصالات الأمانة وميخليش حد يكسره محدش يمضى وصولات الأمانة، أكتر حاجة كسرتنا حرامنا من عيالنا، ومهما نتكلم مش هنقدر نشكر حضرتك، الدنيا اللى رجعتنا ليها

وتابع الرئيس السيسي: "قلتى نجيب على قد الزاماتنا، ليه بتقولى على القد".

وردت السيدة منال: "مكناش بنجيب على قدنا، وكل واحد بيعاند على اللى جنبه، بصينا لأكتر من طاقتنا".

وواصل الرئيس السيسي: "كان معاكى زمايلك بنفس الظروف، سمعت من بعض حكايات، ايه العنوان والنصيحة اللى نقولها للناس، واللى بتاجر وبيعملوا الإيصالات، تقوليله ايه؟".

وأردفت السيدة منال: "نقولهم اتقوا الله، كان محسوب عليا أكتر من 200 ألف، اللى له 5 طالبهم بالخميسن والسبعين، وأنا مضيت على كده".

وأوضح الرئيس السيسي: "المحكمة هتاخد بالورق، وعشان كده بنقول ايه، طب أنا خدت 45، أمضى على 45، لو فى فايدة تتكتب الفايدة، إنما ميبقاش رقم كبير كده يعني".

وأنهت السيدة منال كلامها: "الحمد لله مرينا فى التجربة دى وكان ممكن نوقع فى تجربة أكبر من كده".

وعلق الرئيس السيسي: "ألف مبروك وربنا يوفقكم".

وأصر الرئيس عبد الفتاح السيسى على النزول لمصافحة إحدى السيدات المسنات خلال حوار اداره مع أهالى الأسمرات، والتى طلبت أن تصافح الرئيس عبد الفتاح السيسى، ونزل إليها بنفسه، بعد أن قالت له أثناء كلمته "عاوزة اسلم عليك ياريس".

ورد عليها الرئيس عبد الفتاح السيسى "حاضر أنا هاجى أسلم عليكى".

وقال الرئيس عبد الفتاح السيسى أنه لم يكن هناك حل أخر أن نترك مصر بعد أحداث 2011، إلا أن نغير الوضع ونجرى عليه، ويجب أن نضع فى الاعتبار من 2011 إلى اليوم حوالى أكتر من 11 سنة زيدنا حوالى 20 مليون وده ورقم كبير.

وأضاف الرئيس السيسى، خلال حوار مفتوح مع أهالى الأسمرات: "زيدنا 2 أو 2، 5 مليون سيارة، والدولة يجب أن تتحرك بمعدلات نمو كى تعوض النقص الذى كان موجودا والعجز اللى كان موجودا فى مرافقها".

وتابع الرئيس السيسى:"حياة كريمة شغالين فى المرحلة الأولى، نتمنى أن ننتهى منها، وهناك مرحلتين آخرتين، ونتحدث عن 60 مليون إنسان نريد أن نحسن حياتهم"، موجها حديثه لأحد المواطنين قائلا: "عارف يعنى أيه إنسان البيت بتاعه الصرف الصحى فيه غير آدمى، ونحن لا نتحدث عن أسرة أو 100 أو 1000 بل ملايين، وكذلك فى مياه الشرب والكهرباء، وكذلك باقى الأشياء التى نعملها".