حمو بيكا عن حسن شاكوش: أنا اللي طلعته للنور ولما اتشهر والغرور خده مني بقي يعمل أغاني لوحده

قال مؤدي المهرجانات حمو بيكا، أنه ساعد حسن شاكوش في بداية مشواره الفني، وذلك بعدما توسط آخر له حتى يدخله في مجال الفن.

وأضاف خلال برنامج «العرافة»، تقديم الإعلامية بسمة وهبة، عبر فضائية «المحور»، مساء الثلاثاء: «أنا اللي طلعته للنور.. وأول أغنية عملتها لحسن شاكوش جابت 15 مليون مشاهدة ولما اتشهر والغرور خده مني بقي يعمل أغاني لوحده».

تصريحات حمو بيكا:

واستكمل: «أنا ساعدت ناس كثير وكانوا صحابي منهم شاكوش وعمر كمال، وتخلوا عني محدش فيهم ساعدني لما كنت بكون في مشكلة».

وتابع: «عمر ده كان بياخد 400 جنيه، ولما خليتوا نجم بقى يأخد 50 أو 60 الف جنيه، وكمان هي مش بالصوت دلوقتي، أنا صوتى على قدي، بس خلي حد يقف قدامي بالمايك فيهم محدش هيعرف يصد قدامي».