ناهد السباعي عن فيلم «إحكي يا شهرزاد»: فخورة أني اشتغلت فيه والناس بتحبه لحد الآن

علقت الفنانة ناهد السباعي، على تبرؤ الفنان محمد رمضان من فيلم إحكي يا شهرزاد، وذلك بعدما جمعهما العمل خلال عام 2009.

وقالت ناهد السباعي، مع الإعلامية أميرة بدر، في برنامجها VIP، المذاع عبر قناة هي: «أنا فخورة إني اشتغلت في الفيلم دا مع ناس كنت طول عمري بحلم أشتعل معاهم، من أول أستاذ يسري وأستاذ محمود حميدة ومنى زكي وسوسن بدر، فيلم كبير ومهم وعايش والناس بتحبه، خسارة إنه شايفه كده».

فيلم إحكي يا شهرزاد:

واستكملت: «مستحيل أتبرأ من عمل قدمته، ومش أنا الوحيدة اللي اشتغلت في الفيلم في ناس كتير اشتغلت ومبسوطة وفخورة بشغلها، ومش معنى إني غلطت في اختياري أو في أدائي أو شغلي إني أطلع وأقول أمام كل الناس إني بتبرأ وبعتذر، ده مش صح».

وتابعت: «مينفعش أني أطلع أنا لأخطاء أنا عملتها سواء اختياري أو أدائي أو أي حاجة أو عدم التزامي في إني أقدم الدور بشكل كويس، إن أنا ارمي كل مجهود الناس دي وأقول أنا أتبرأ وندمانة وبعتذر للجمهور، وبعتذر جدًا لكل الناس اللي بتعمل كده، أنا بشوف أن دا مرفوض جدًا».