تامر حسني يدعم نجل محمد ثروت: تقبل محنة كبيرة من ربنا أنه يصاب بمرض نادر.. ولما كلمته قال أنا فاهم إن ده اختبار

كشف الفنان تامر حسني تفاصيل حديثه مع أحمد ثروت نجل الفنان محمد ثروت، ليكشف تفاصيل حالته الصحية، بعد إصابته مؤخرًا بمرض نادر.

وكتب تامر حسني عبر حسابه الشخصي بموقع التواصل الاجتماعي لتبادل الصور والفيديوهات القصيرة “انستجرام”: أحمد ثروت صديقي وابن الفنان الغالي اوي المطرب الكبير محمد ثروت بمنتهي الحب والرضا والإيمان تقبل محنه كبيرة من ربنا انه يصاب بمرض نادر يأثر على رجله وميمشيش، وكان بيحضر لزواجة.

وأضاف: في كلامي معاه قولتله انا كنت بكلمك اهون عليك والحقيقة لاقيته مش محتاج وهو من إيمانه بقضاء ربنا مهون على نفسه ونفسيته في أعلى درجات الرضا بيهزر ومبسوط، قولتله بأيدك تحول المحنه لمنحه وقالي أنا بعمل كده دلوقتي وفاهم الاختبار كويس وهنجح فيه وهخف وهمشي تاني على رجلي.

وواصل: فضل يحكي طول المكالمة عن حب أسرته واهتمامهم بيه وإخلاص خطيبته، وقد آيه الموقف بين معدنها الأصيل وإزاي بتسانده وبتسهر على راحته طول الوقت، أنا كمان بشكرهم وبشكرها جدا وبحييها على قلبها وتربيتها الأصيلة.

واختتم تامر حسني قائلًا: ربنا يشفيك يا أحمد ويفرح قلبك بقدر ثقتك العظيمة في ربنا، الثقة العظيمة اللى أنا شوفتها النهارده، وافرح معاك في فرحك قريب إن شاء الله، ادعوله معايا يا شباب ربنا يشفيه ويشفي كل مريض.

وفي السطور التالية نعرض أهم المعلومات عن مرض «ميار فيشر»، كالآتي:

متلازمة "ميلر فيشر" أو "غيَّان-باريه"، من الحالات المرضية النادرة التي يهاجم فيها الجهاز المناعي للشخص الأعصاب المحيطية.

ويعود تسمية المرض إلى الطبيب الكندي تشارلز ميلر فيشر، والذي وصف نوعًا فرعيًا من متلازمة غيلان باريه ويحمل اسمه في عام 1859.

ووفق منظمة الصحة العالمية، فقد يتأثر بالمتلازمة الناس من جميع الأعمار، ولكنه يكون أكثر شيوعا لدى البالغين والذكور، ويتعافى معظم الناس تماما حتى من حالات متلازمة غيان- باريه الأشد وخامة.