حكيم يكشف موقف مع والدته: خليتها تمشي 3 ساعات علشان خاطر كنت بجيب طوق للكلب بتاعي

كشف المطرب الشعبي حكيم موقف غريب مع والدته والتي كان يجول في شوارع وسط البلد لمدة 3 ساعات.

وقال الفنان حكيم خلال استضافته في برنامج " صاحبة السعادة " مع الفنانة إسعاد يونس: كنت انا اللي بوصلها وطلعوا ليا رخصة قيادة علشان لما ننزل بعض انا اللي أسوق العربية".

وأضاف المطرب الشعبي: جيت في يوم قولت تعالي يا ماما ننزل نشتري حاجات من وسط البلد، فضلت 3 ساعات بلف في وسط البلد، وابص على المحل وأقول لا مش ده، وهي تقولي أنت عايز إيه من هنا قولي، وانا اقولها استني بس".

حكيم: كنت بخليها تلف معايا بسبب طوق الكلب

وتابع حكيم حديثه: لقيت محل مكسر وكان هو ده اللي بدور عليه بس كان مغلق، وانا كنت عايز اشتري طوق للكلب بتاعي، وانا عمال بقالي 3 ساعات بنتمشي في وسط البلد.

ونوهه الفنان حكيم: كان في موقف انا راكن صف ثاني وكانت هي معايا في العربية، وبقالي كتير ولابس البدلة والكرافته، دخلت عليا وجبتني وسط الناس وهي بتقول " دي لو عروسة كانوا جهزوها"، روحت جري خرجت الناس اللي كنت قافل عليها بالعربية.