"راضية باللي ربنا قسمهولي".. أول تعليق من البلوجر سارة محمد بعد فقدان بصرها نهائيا
![البلوجر سارة البلوجر سارة](https://media.besraha.com/2023/8/large/8/1/774.jpg)
أكدتالبلوجر سارة محمدرضاها بكل ما كتب عليها، وذلك بعد إصابتها بالعمى نهائيا، وذلك خلال لقاء مسجل ببرنامج صبايا الشمس مع المذيعة ريهام سعيد.
وقالت البلوجر سارة في أول ظهور لها بعد غصابتها بالعمي تماما، أنها تتمني توقف حملة الشائعات التي تلاحقها، وأشارت إلى أن حالتها النفسية تحسنت قليلاً بعد حملة الدعم المتداولة حالياً على مواقع التواصل الاجتماعي، كما توجهت برسالة لمرتكبي الحادث.
وأضافت سارة محمد:" أكتر حاجة مقوياني دعمكم ليا النفسي، وأنا راضية باللي ربنا قسمهولي، بس اللي أنا بقوله إن اللي أذوني دول بني آدم شبهي، ولغاية دلوقتي محدش جه قالي دول نزلوا صور اللي عمل كدا".
وتابعت: "مش عايزة أقول أي حاجة، بس خلاص بقى بطلوا تتكلموا عني وتطلعوا إشاعات، أنا رافضة إني أقول أي حاجة، وبشكر كل الناس اللي بتدعمني وبتقول كلام كويس، وبقولهم انتوا حسنتولي نفسيتي كتير، ومكنتش متخيلة إني هلاقي ناس كتير كدا بتحبني ومهتمة بمرضي".
وأشارت: "عايزة أقول إن عمرو الوحيد هو اللي عندي 24 ساعة، مش بيسبني، عمرو الوحيد هو اللي تثقه في أي حاجة هو بينزلها، لأنه مش بينزل حاجة من غير ما يكون معرفني، وهو قاعد في بيتنا وقاعد مع أهلي".
فقدت أخر أمل تمسكت به
وكتبت الصفحة الرسمية للبلوجر سارة محمد من خلال خاصية "ستوري": "سارة فقدت آخر أمل كانت متمسكة به للأسف النتيجة النهائية سارة فقدت بصرها اللهم لا نسألك رد القضاء ولكن نسألك اللطف فيه".
وكتب صديق مقرب للبلوجر سارة بعد فقدان بصرها نهائيا تعليق على موقع التواصل الاجتماعي “فيسبوك” الدكتور قالي الشبكية شبه سايحة ومفيش أمل حتى لو سافرت”.