«أختفى قبل فرحه بشهر».. القصة الكاملة لاستغاثة مواطن من تغيب شقيقه في محافظة البحيرة: أخويا الكبير قالي انسى أخوك وماتجبش سيرته علشان مايحصلكش اللي حصله

رصدت عدسة موقع بصراحة الإخباري إستغاثة أحد المواطنين يدعى «وائل محمد» مقيم في محافظة البحيرة من تغيب شقيقة منذ فترة من الزمن في ظروف غامضة أثناء قيامه بتحضيرات زفافه، حيث اختفى قبل شهر واحد فقط من حفل الزفاف.

استغاثة مواطن من تغيب شقيقه بالبحيرة

وقال وائل في بث مباشر لموقع بصراحة “أخويا اختفى منذ فترة في ظروف غامضة دورت عليه كتير ولقيت بطاقته وتلفونه والفلوس اللي كانت معاه في الشقة أنا وهو كنا عايشين مع بعض في نفس الشقة وهو كان مشغول في تحضيرات فرحه وأنا في يوم سيبته ونزلت الشغل ولما رجعت حاولت ادخل الشقة بس كانت مقفولة من جوا وماعرفتش أدخل”.

وتابع شقيق الضحية “حاولت كتير ادخل الشقة بس فشلت وأخويا مختفي فكرته نايم جوا في الشقة وبعد يومين لقيت الشقة اتفتحت ومتنضفة وحاجة أخويا كلها موجودة بس هو مش موجود حاولت كتير أدور عليه بس هو مش موجود وحررت محضر بغيابة بس ماحدش عرف يوصله”.

وأكد “حاولت كتير أتواصل مع أخويا الكبير علشان يساعدني نلاقي أخويا المتغيب بس هو قالي أخوك مات وشبع موت أنسى أخوك علشان مايحصلكش اللي حصل لأخوك وبعد فترة لقيت أخويا دا بقا غني جداً واشترى فيلا وعربية وهو ماكنش حيلة أي حاجة ومنعرفش الفلوس الكتير جابها منين.

وأختتم “أنا عايز أعرف أخويا المتغيب حصله أي وأخويا الكبير جاب الفلوس الكتير دي إزاي وهو ماحلتوش أي حاجة كل ما أسال على أخويا المتغيب يهددني ويقولي لو ماسكتش هيحصلك اللي حصله.