ابن الشهيد الأكشر يبكي القلوب: ماما راحت لبابا عند ربنا.. وبكتبلهم جوابات

كرم الرئيس السيسي، ابن الشهيد البطل النقيب محمد جمال محمد عطية الأكشر، خلال فعاليات الندوة التثقيفية الـ 37 للقوات المسلحة بمناسبة يوم الشهيد.

وبكلمات مؤثرة أبكي بها قلوب الجميع قال الطفل بلال ابن النقيب محمد جمال محمد عطية الأكشر: أنا ابن الشهيد البطل النقيب بابا استشهد في سيناءوأنا عندي سنة وشهرين وملحقتش أشوف بابا بس كنت بسمع عن بطولاته، وكانوا بيقولوا لي دايما بابا بطل وعمره ما خاف، وبعد استشهاد بابا بـ6 شهور ماما راحت الحج وكان حلمها أنها تلحق بابا في الجنة وماما ماتت في السعودية، أنا كان نفسي أعيش معاكم بس ما دام ربنا عايز كده أنا مش زعلان، أنا كان نفسي أعيش معاكم، أنا بكتب ليكم جوابات وبقولكم وحشتوني أوي، وانا اطمنوا عليا لما أكبر هبقي ظابط وهجيب حق بابا وهحقق حلم ماما".

وشهدت فعاليات الندوة التثقيفية الـ 37 للقوات المسلحة، بمناسبة يوم الشهيد، بحضور الرئيس عبد الفتاح السيسي، عرضا فنيا بعنوان "مثلث القيادة"، للحديث عن تضحيات الشهداء.