«جوزي صورني وأنا معاه وبيهددني».. القصة الكاملة لاستغاثة سيدة من زوجها في المنوفية: أجبرني أمضي على إيصال أمانة بالغصب ورفع عليا قضية وبيهددني عايزني ارجعله

رصدت عدسة موقع “بصراحة الإخباري” استغاثة سيدة تدعى «نجوى»بعد التعدي عليها من قبل زوجها في محافظة المنوفية قائلة “جوزي أجبرني إني أمضي على إيصال أمانة وكل شوية بيهددني بها علشان أروح أجيب قروض باسمي.

استغاثة سيدة في محافظة المنوفية

وقالت السيدة “في أول الجواز كان بيخليني أجيب قروض باسمي وبيوهمني إنه مديون وعليه فلوس لازم يدفعها وبالفعل جبت قروض كتير ولقيت نفسي هتحبس بقيت بشتغل وبسدد في القروض على حسابي ورفضت أجيب قروض تاني”.

سيدة تستغيث: جوزي صورني وأنا معاه وبيهددني

وأضافت السيدة “لما رفضت أجيب قروض بقا يضربني ويعذبني وصورني صور مخله وأنا معاه وبقا بيهددني بها وأجبرني إني أمضي على إيصال أمانة ورفع عليا قضية بالإيصال وبقا بيهددني بالحبس والفضيحة علشان أرجع تاني وأجيب قروض وأشتغل وأصرف عليه.

وأختتمت السيدة “أنا عايزة حقي منه أنا مابقتش عارفه أعيش وماليش حد وكل الناس اتخلوا عني بسبب القروض اللي عليا حتى جوزي رفع عليا قضية وبيهددني بها ونشر صور ليا مخلة على الفيس وقال إني حامل وهو مطلقني من 6 سنين أنا محتاجة حد يساعدني منه.