حسن شاكوش يهاجم مستخدمي التيك توك: بلاش قرف.. العيال بقت بتحمي نفسها بالشطة
![حسن شاكوش حسن شاكوش](https://media.besraha.com/2023/8/large/7/8/613.jpg)
أنتقد المطرب الشعبي حسن شاكوش، مستخدمي موقع الفيديوهات الشهير “تيك توك”، بسبب ما يتم فعله من تصرفات غريبة، مشيرًا إلى أن ما يحدث يثير غضبه.
وقال حسن شاكوش في فيديو له عبر حسابه الشخصي بموقع فيسبوك: أنا بقيت شايف حاجات غريبة أوي يا جماعة ومقرفة جدًا، التيك توك اللي كنت بحب اتفرج عليه عشان يهون علينا، وأشوف حاجة تفيدنا دلوقتي بقيت أشوف عيال تحمي نفسها بالشطة، أي الهبل ده يبني اللي بتعملوه في نفسكم ده؟.
وأضاف: يبني أنت وهو في حاجات تانية بتجيب فلوس أحسن من الهبل ده، اي القرف اللي بنشوفه على التيك توك ده، في ناس بتقدم محتوى كويس وفي ناس بتقدم قرف، مش بالطريقة دي بلاش قرف أعمل حاجة تفيدك، ولو محتاج فلوس أعمل حاجة تفيد الناس، عشان لما عيالك يكبروا يشوفوا إن ابوهم كانوا بيقدموا محتوى كويس ميشفوش إن ابوهم راجل هايف أو ست هايفة، يا جماعة أنا ضد كل ده وبقولكم الفلوس مش كل حاجة، أنا بقيت بكره افتح التيك توك بسبب الاشكال اللي بشوفها دي.
مواصفات فتاة أحلام حسن شاكوش
في وقت سابق كان قد تحدث مطرب المهرجانات حسن شاكوشمن قبل عن المواصفات التي يبحث عنها في زوجته، وشريكة حياته المستقبلية.
وقال حسن شاكوش في لقاء مع برنامج "عرب وود": "بدور حاليا على بنت الحلال، وعايز واحدة شبه أمي".
مواصفات فتاة أحلام حسن شاكوش
وأوضح: "البنات اليومين دول بتوع بابي ومامي، والبنات اللي بتشوفيهم على تيك توك الأيام دي هات 2000 جنيه عشان خارجة مع أصحابي، وهات 3000 جنيه عشان رايحة الساحل".
واستكمل:"أنا عايز واحدة أسافر 20 سنة أشتغل أرجع ألاقيها في البيت، مش أرجع ألاقيها في الساحل، الموضوع باظ خالص، باظ خالص، مش عايز أرجع ألاقيها في شرم هقولها خليكي في شرم مع أصحابك".
ونفى شاكوش مؤخرا تقليده للنجم محمد رمضان موضحا أنه يعتبره بمثابة شقيقه.