« بتبصلي كدا ليه ».. القصة الكاملة لإصابة الشاب عطية بـ50 غرزة في وشه على يد جاره في محافظة كفر الشيخ.. والدة الضحية: ابني مستقبله ضاع هو ماعملش حاجة

شهد مركز المحلة محافظة الغربية واقعة مأساوية عقب قيام شاب بالتعدي على جاره مما تسبب في إصابته بأكثر من 50 غرزة في منطقة الوجه وذلك بدون أسباب تذكر.

ورصدت عدسة موقع “بصراحة الإخباري” استغاثة الشاب عطية صاحب 18 عام وذلك بعدما قام جاره بضربه في منطقة الوجه باستخدام سلاح أبيض وإحداث عاهة مستديمة في منطقة الوجه قائلاً “ أنا كنت خارج من البيت في حالي ماعملتش حاجة وقابلت جاري واقف لقيته جاي بيقولي أنت بتبصلي كدا ليه أنت بتصورني وحاول يضربني فسبته ومشيت”.

وأضاف “أنا كنت في الموقف مع خالي وجاري كان بيتخانق مع شخص خناقة كبيرة وفكرني بصوره وجه عليا بسلاج وضربني في وشي في الشارع ومن بعدها أغمي عليا ماحستش بحاجة غير وأنا في المستشفى سايح في دمي”.

وقالت والدة عطية “ابني محبوب وكل الناس بتشهد بأخلاقة وعمره ماعمل مشاكل مع حد ودايما كان بيعاملني كويس وفجأة لقيت أخويا جاي بيجري عليا وبيقولي الحقي ابنك في المستشفى، جريت على المستشفى وكنت بقول ابني مات ومش هيفوق تاني”.

واختتمت السيدة “أنا عايزة حق ابني هو مايعرفوش وماعملوش حاجة وكان هيموت من غير سبب وأهله حاولوا يخلونا نتنازل عن المحضر وتمشي ودي ودي مش أول حادثة يعملها دا بلطجي واتعدا على ناس كتير قبل كدا”.