مايان السيد بعد تخرجها: بقالي 7 سنين مستنية اللحظة دي عشان بابا ميدفعش فلوس تاني

أعربت الفنانة الشابة مايان السيد عن سعادتها البالغة بعد تخرجها من الجامعة، لافتة إلى أنها مكثت في الجامعة أكثر من 7 سنوات، بسبب عملها في التمثيل.

وقالت مايان السيد خلال لقائها عبر mbc trending: مبسوطة جدًا أني أخيرا خلصت بقالي 7 سنين في الجامعة بسبب شغلي في سنتين مكنتش بروح الجامعة خالص.

حفل تخرج مايان السيد

وأضافت: كنت محتاجة أتخرج عشان زي ما أستاذ هاني رمزي وأستاذ رامي إمام وأستاذ مصطفى قمر قالوا كنت عايزة أخلي بابا ميدفعش مصاريف كفاية أوي عليه، واليوم ده كان مهم أوي بالنسبالي،وحسيت كلمة فركش يا أستاذة اللي بسمعها كل يوم في التصوير مناسبة لأن خلاص مش هروح الجامعة تاني.

وأختتمت مايان السيد قائلة:: وأنا في الحفلة عيطت من كتر ما تأثرت حسيت أنها كانت سنين مهمة وصعبة لكن هتوحشني كل الذكريات.

آخر أعمال مايان السيد

يُذكر أن أحدث فيلم قدمته الفنانة مايان السيد كان “هاشتاج جوزني”، والذي تم سحبه من دور العرض السينمائي مؤخرًا بعد تحقيقه صفر إيرادات.

فيلم “هاشتاج جوزني” بطولة مايان السيد، أمير المصري، بيومي فؤاد، إسلام إبراهيم، دينا، صابرين، وهو من تأليف السيناريست محمد سمير مبروك، وإخراج عصام نصار.