"ابني بين النار ".. انهيار ام بعد اندلاع حريق في شقتها السكنية بالمحلة الكبرى

"مش شايفه غير شكل ابني في الحريق " تلك كلمات حارقة للقلب من أم بعد التهام شقتها السكنية بالكامل وسط وجود اولادها

صرحت نورا ابو جمره ام لطفلين من خلال حوارها ل "موقع بصراحة الاخباري"عن حريق شقتها السكنية إثر ماس كهربائي وقعها شهدتها مدينة المحلة الكبرى ،بمحافظة الغربية قائلة: كنت أنا و كريم ومؤمن ،وولادي الاتنين بره ،دخلت البيت وقعدنا جهزنا الغدا وقفلنا الباب وقعدنا اتفاجت بصوت فرقعة شديدة ، جريت انا وابني كريم مفزوعين حاولنا نطفي بالمياه ، لكن ابني الصغير كان وسط النار في غرفة الانترية ،جريت عليه الاول علشان ألحقه ووقتها النار التهمت الشقة كلها .

أضافت ابو جمره بعدها مبقتش مدركة الموقف وكل اللي شيفاه كل ابني الصغير وهو بين النار ،اهل الشارع ساعدوني وحاولنا نسيطر علي الحريق وحاولوا يجيبوا ولادي ومنهم اللي اتصل بالحماية المدنية ومنهم حاول يلبسني طرح ولبس لأني كنت ف بيتي وقتها .

أضاف الزوج "مصطفي محمود " ويعمل مدرس كنت في شغلي واتفأجت بابني الصغير جالي وقالي اللي حصل وعلي ما جيت البيت لقيت الحماية المدنية كانت سيطرت علي الحريق ، واهل الشارع في بيتي بيساندوا زوجتي ،الحمدلله علي كل حال ولادي وزوجتي بخير ،قدر الله و ماشاء فعل ، كلمات الزوج في حالة من الضعف والحيرة .

تعود احداث الواقعة الي تلقي مأمور قسم ثان المحلة بلاغ من الأهالي يفيد باندلاع حريق بأحدي الشقق السكنية في منطقة أبو دراع التابعة لدائرة القسم.

علي الفور انتقلت قوة من المباحث الجنائية محل البلاغ ، والحماية المدنية ،وسيارة إسعاف ، وتم السيطره على الحريق دون وقوع إصابات ،واثبت المعاينه الأولية إن الحريق إثر ماس كهربائي ،وتم تحرير محضر بالواقعة .