خالد تاج الدين: جورج قال عايز أطلع أحاسيسي لـ ابني في أغنية «نص عمري».. وكلماتها صعبة جدًا |خاص

كشف الشاعر الغنائي خالد تاج الدين كواليس كتابته كلمات أغنية سلطان الطرب جورج وسوف، في ذكرى الأربعين لوفاة نجله وديع.

وقال خالد تاج الدين لـ”بصراحة”: جورج وسوف فنان العرب طبعًا أنا أول مره أشتغل معاه، فطبعًا كانت حاجة صعبة أوي إني اكتبله حاجة في رثاء ابنه وديع ربنا يرحمه.

وأضاف: الموضوع كله كانت أغنية أنا ومحمد يحيى، هو كلمني، وقالي إن جورج كلمه وقاله عايز يعمل حاجة فيها أحاسيسه عن ابنه الراحل، طبعًا دي حاجة صعبة جدًا ربنا ما يكتبها على حد خالص،.

وواصل: قعدت عملتها في الآخر طلعتها، قولت “قولت أدفع نص عمري بس أعيش وياك شوية، وأنت أجمل حاجة فيا واللي بينا خلاص قدر، والسنين أهي بينتلي أحن الناس عليا.

أغنية جورج وسوف لابنه

من جانبه كان قد طرح سلطان الطرب جورج وسوف أغنية جديدة بعنوان "نصّ عمري" ليرثى فيها ابنه وديع تزامنا مع مرور ذكرى الأربعين على وفاته.

الأغنية كلمات خالد تاج الدين، وألحان محمّد يحيى، وطرحها جورج وسوف على قناته الخاصّة عبر يوتيوب، بعنوان: "نصّ عمري" أغنية لروح وديع في ذكرى الأربعين، سرقت الحبّ من عيده.

وأصعب كوبلية كان “من بدري بتمناك ومخطرش يوم ع البال تسبقني وامشي وراك”،