ليلى طاهر لـ«بصراحة»: المخرجين بقوا بيشغلوا الجيل الجديد ويسيبوا القديم لإنهم بيطلبوا فلوس كتيرة

علقت الفنانة المعتزلة ليلى طاهر، عن شكوى العديد من نجوم الفن خلال الفترة الأخيرة من قلة المشاركة في أعمال فنية، مشيرة إلى أن المخرجين والانتاج أصبحوا يعتمدوا على الأوجه الجديدة.

وقالت ليلى طاهر: الفنانين القدام بقوا بيطلبوا فلوس كتير، عشان كده المخرجين والمنتجين بقوا بيختاروا الجيل الجديد، النجوم الكبار القدام، الأدوار الكبار معتدش هي البطولة المطلقة.

وأضافت: ممكن تكون نوعية الأعمال بتاعة دلوقتي من وجة نظر المنتج والمخرج النهارده بقى ليها أشكال ونوعيات تانية.

اعتزال ليلى طاهر

وأضافت:المستوى اللي بيتعرض عليا الفترة الحالية أقل من المستوى اللي كان بيتعرض عليا زمان، فأنا عايزه أحافظ على المستوى بتاعي وثقة جمهوري فيا، وموجودة وسطهم بأفلامي ومسرحياتي ومسلسلاتي.

وعن إمكانية عودتها من جديد قالت ليلى طاهر:قررت اعتزال الفن بشكل نهائي ومش هرجع عن قراري مهما حصل أبدًا، أنا هكون موجودة بأعمالي فقط.

آخر أعمال ليلى طاهر

يذكر أن آخر أعمال الفنانة ليلى طاهر الفنية، هوالجزء الرابع من مسلسل "الباب في الباب"، الذي تم عرضه في عام 2014، مع الفنان الراحل محمود الجندي، ودارت أحداثه حول الحماة وهي الشخصية التي جسدتها ليلى طاهر، وابنها وزوجته اللذين يسكنان في الشقة المقابلة لها.