«طلقني ورماني في الشارع عشان ابني معاق».. القصة الكاملة لاستغاثة زوجة من زوجها بعدما انجبت طفل من ذوي الاحتياجات الخاصة بكفر الشيخ: عايزة مصدر دخل أصرف به على ولادي

«طلقني ورماني في الشارع عشان ابني معاق»، هكذا بدأت نعمة حديثها مع موقع “بصراحة الإخباري” تستغيث من زوجها وأسرتهوتطالب بنفقة لها ولطفليها، بعدما تخلى عنها زوجها ورفض الإنفاق عليهما لإنجابها طفل من ذوي الاحتياجات الخاصة بمحافظة كفر الشيخ.

وبدأت نعمة حديثها مع موقع بصراحة الإخباري “أنا اتجوزت عن قصة حب وبحب جوزي جدا وكنت زوجة ثانية وهو كان مسافر الكويت وأنا سكنت مع أهله وهما كانوا بيصرفوا عليا وفجأة بقوا يعملوني بطريقة مش كويسة وأخت جوزي ضربتني وأعتدت على بنتي في الحمام كانت هتموتها ورمونى في الشارع ودا بعد ماخلفت ابني الصغير وطلع من ذوي الإحتياجات الخاصة”.

وأضافت نعمة “جوزي أعتبر ابني وصمة عار طلقني غيابي ومابقاش يصرف علينا ولقيت نفسي في الشارع وشايله مسئولية طفلين منهم طفل معاق ومحتاج علاج وأنا ماليش أي مصدر دخل”.

وتابعت “أهل جوزي اعتدوا عليا بالضرب والسب وأهلي ارفضوا يقفوا جنبي لأن هما رفضوا الجوازة دي من الأول وأنا وأصريت اتجوزه لأن بحبه، هو بيكره ابني جداً ورفض يصرف عليه”.

واختتمت نعمة حديثها “أنا عايزة مصدر رزق أصرف منه على ولادي ابني محتاج علاج والكل رفض يساعدني”.