نهال عنبر: الجواز رزق حلو وبالحب تاخدي عين الراجل

خرجت الفنانة نهال عنبر في لايف جديد عبر حسابها الرسمي بموقع التواصل الإجتماعي “فيسبوك”، لتتحدث عن سبب زيادة نسب الطلاق في مصر، مشيرة إلى أن علاقة الرجل والمرأة يجب أن تظل بينهم وتبنى على الحب والإحترام والمودة.

نصيحة نهال عنبر

وقالت نهال عنبر: الجواز رزق وزرق حلو ولازم نستمتع بيه زي ما هو، عايزين ندخل الحياة واحنا فاتحين قلبنا لبعض، احنا لا زنانين ولا وغيورين ولا بنكد على اللي قدمنا عشان عمل حاجة معجبتناش، وطبيعي يكون في حاجات مبنحبهاش في الراجل والعكس، بالحب تاخدي عنيه.

نهال عنبر على خط ياسمين عز

وتابعت نهال عنبر حديثها: الست أحلى حاجة فيها نعومتها وإنها تبقى حنينة.. هو مشي من عند مامته جه عند مامته التانية اللي هي انت، والراجل بيتعلق بمامته جدا فلما يلاقي أم تانية في البيت محتضناه وبتطبطب عليه عمره ما هيسيبه.

وأضافت: بلاش تطسي المشكلة في وش جوزك وهو داخل البيت، يدخل من شغله تغديه وبعدها تشربوا الشاي ويريح شوية وبعد كدة نقعد نحكي مع بعض ونتكلم،ولو الراجل داخل الشغل مش طايق نفسه اقلع جاكت الشغل برة.