مستريح العقارات.. القصة الكاملة لاستغاثة مواطن تعرض للنصب في مبلغ نصف مليون جنية داخل المرج.. بيبعوا شقق ناس مسافرة وبينصبوا على المواطنين

رصدت عدسة موقع “بصراحة الإخباري” استغاثة مواطن يدعى «محمد محروس عطا»مقيم في منطقة أرض المزرعة تعرض للنصب من قبل بعض الاشخاص في مبلغ يقدر بنصف مليون جنية.

وقال محمد في حديثه مع موقع بصراحة “البداية كنت بدور على شقة سكنية ليا علشان أسكن فيها وفي حد عرفني على سمسار بيشتغل في المنطقة اسمه «رامي عادل عبده شحاته»وفعلاً كلمته علشان يوفرلي شقة، قال أن هو عنده برج صاحبتهواحدة يعرفها وهي مديونية بفلوس كتير وعايزة تبيع شقق في البرج ده، ولما سألنا على صاحب البرج طلع راجل اسمه أبو يوسف ولما رجعت بسأله قالي أبو يوسف باع من زمانمشى من هنا".

120 الف جنية وأضاف محمد في استغاثته "أنا كنت هشتري شقة واحدة بس ودفعت 120 الف جنية قيمة عقد ابتدائي وروحت عند محامي تبع السمسار، وهناك اكتشفت أن ورق الشقة ناقص، فالمحامي قالي ماتقلقش الورق عندي ومافيش مشكلة ومضينا العقد وأخدت الشقة وسكنت فيها، وبعد أسبوع كان في شقة جنب شقتي قولت أخدها لإختي علشان تيجي تبقا جنبي وبالفعل جمعت نصف مليون وكتبنا عقد الشقة".

مواطن يتعرض للنصب

وأضاف " أحنا عرفنا أن اتنصب علينا لما صحيت في يوم على صوت زعيق جامد من الجيران ولما طلعت لقيت ناس كتير وبسألهم في أي قالولي الناس تحت اتنصب عليهم، وحبت رقم حد وبسأله قالي ربنا يعوض عليك دول نصابين وبينصبوا على الناس وبيبعوا شقق مش ملكهم، ولما سألت عرفت إن صاحب البرج عايش في الامارات، وهما عصابة وبيستغلوا غياب صاحب البرج وبيبعوا الشقق بطريقة وهمية وياخدوا الفلوس ويهربوا".

واختتم محمد " اكتشفنا إن الناس بيبعوا شقق واراضي وبيوت صاحبها مسافرين مش موجودين وبياخدوا فلوس ولما كلمت المحامي قالي ماعرفش الست أخدت الفلوس وأنا هروح أجبلكم الفلوس من الست في إسكندرية، وقفلت معاه وروحت عملت محضر بالواقعة وبسرقة الفلوس، أنا مش عايز غير حقي".