نهال عنبر: الست ستر وغطا على جوزها نفسي نتعامل مع السوشيال ميديا صح

انتقدت الفنانة نهال عنبر مستخدمي مواقع التواصل الاجتماعي بشكل خاطئ، وذلك من خلال منشور لها عبر حسابها الشخصي بموقع التواصل الاجتماعي فيسبوك.

وكتبت نهال عنبر: فيه ظاهرة غريبة منتشرة وهي نشر الأسرار على العلن.. دي فضايح.. ميصحش لو جوزي مضايقني ولا صاحبتي أطلع اتكلم عليهم على السوشيال ميديا.. الست ستر وغطا على جوزها وأسرار البيت مينفعش تخرج برا عتبته.

وأضافت: أنا لما كنت بختلف مع جوزي عمري ما لجأت لعيلتي، لو فضحنا نفسنا هيكون منظري إيه قدام عيالي، ولما أفضح حد هستفاد إيه، أو لما أعمل مشاكل بيني وبين حد، ما أقول أنا مالي وخلاص، نفسي نتعامل مع السوشيال ميديا صح مينفعش حياتنا تكون مباحة.. ده حتى ممكن الإنسان يتحسد، داروا على شمعتكم.

تصريحات نهال عنبر مع صاحبة السعادة

في وقت سابق كانت قد حلت الفنانة نهال عنبر، ضيفة على برنامج صاحبة السعادة، الذي تقدمه الإعلامية اسعاد يونس على قناة dmc، وذلك للحديث عن علاقتها بأحفادها وانبائها ورأيها في بعض القضايا.

تحدث نهال عنبر عن كواليس تحضيرها لأعمالهت الفنية فقالت: احنا بنفقد المذاكرة، وانا مش بقرا دوري بس، وزمان كانوا بيذاكروا، ولما اقرا حلقة لازم اقرا الحلقة كلها الاول مرة وتاني مرة افرغ شخصيتي، وقبل الكاميرا بساعتين جايين في اللوكيشن.

وتطرقت نهال عنبر بالحديث عن علاقتها بأحفادها وأبنائها، فقالت: وأحفادي بيعتبروا إني ماما وبابا وأنا شديدة معاهم ساعات، كنت شديدة على حسام اكتر لكن احفادي مش عنيفة معاهم ببقى شديدة بس، وقعدت قبل كده مخاصماه شهرين عشان كان عايز يروح ديسكو عشان خرم الباب بإيده، ولاقاني ماسكة سبت الزبالة راح جري من قدامي، دخلت قولتله شهرين مش هنتكلم فيهم.

وتابعت كاشفة عن رأيها في بعض القضايا، فقالت: بكره الست اللي تحط إيدها على خدها أيًا كانت المشكلة ولازم تكوني قوية وتشوفي هتقفي ازاي، وتنظيم الوقت مهم، وأنا بنظم وقتي كويس.