بعد شائعة اعتزاله.. سمسم شهاب يطرح أغنية اطمن حبيبي على يوتيوب | فيديو

طرح الفنانسمسم شهابأغنية جديدة تحمل اسم "أطمن حبيبي"، أمس الأثنين يناير الجاري، على قناته الخاصة بموقع "يوتيوب"، أغنية "أطمن حبيبي" من كلمات إسلام مطر، ألحان سمسم شهاب، توزيع مصطفى أبو رية، هندسة صوتية محمد جودة.

قرار الإعتزال

وكان المطرب الشعبيسمسم شهابنفى ما تم تداوله مؤخرًا بشأن اتخاذه قرارا باعتزال الغناء، ووصفه للفن بالحرام، وقال في بث مباشر عبر صفحته الرسمية على موقع "فيسبوك": "أحد الصحفيين سألني بيقولي الفن وإلى آخره قلتله مش راضي عن الوضع اللي حاصل، قالي وبتهاجم بتوع المهرجانات وبتدعو للفن الكويس، قلتله آه طبعا، قالي ما انت بتغني في ملاهي ليلية، وكان ردي" أنا مجبر إن شاء الله أحاول أبعد، فقالي ده حرام قلتله لو هنتكلم عن الحلال والحرام كتير من الائمة حرموا الغناء وده المشروع المستقبلي اللي بفكر فيه".

أرض صلبة

وتابع "ده موضوعي اللي جاي عايز بس أقف على أرض صلبة عشان مبقاش حرقت نفسي وخسرت حاجات كتير جدا، قمت لاقيت مواقع كتيرة وكبيرة بتكتب إني بعتزل الفن نهائيا، بس الحقيقة إن ده قرار ناوي أخده في المستقبل، فيه حاجة في دماغي عايز أعملها عشان لما ابعد أكون واقف على أرض صلبة عشان مرجعش تاني".

نفي قرار الإعتزال

وأوضح سمسم "ظروف الحياة صعبة على الكل.. حبيت أوضح إن الكلام ده كلام مش صحيح وخبر غير صحيح، وللأسف زعلان من الصحفي جدا جدا مش عارف ليه عمل كده وواخد على خاطري جدا منه، أنا بحترم جدا الصحفيين وبتعامل بكل احترام وهذا ما يستحقونه والمفروض يحصل، لكن المفروض التصريحات متتحرفش".

ونقلت بعض المواقع وصفحات التواصل الاجتماعي تصريحات منسوبة لـسمسم شهابتشير فيها إلى قراره اعتزال الغناء، ووصفه بأنه حرام، وكذلك هجومه على أغاني المهرجانات