صفوة: دخلي من الرقص كان كبير ومش مكسوفة منها.. وكنت بتشغل مع 40 راجل بشنبات

قالت الراقصة صفوة، إنها تركت مهنة الرقص منذ 14 عامًا، مضيفةً أنها لا تفضل أن يسبق اسمها اسم «الراقصة».

وأضافت خلال برنامج قعدة ستات، مع الإعلامية مروة صبري، المذاع عبر فضائية «القاهرة اليوم»، إن دخلها من الرقص كان كبيرًا جدًا، متابعة: «دخلي من الرقص كان كبير جدًا، وحتة راقصة دي أنا محيتها لأني اعتزلت من 14 سنة، وأنا مش حابة، أن يسبق أسمي اسم الراقصة، وأنا عارفة اللي بقوله ده هيقوم الدنيا عليا».

واستكملت: «مهنة الرقص صعبة جدًا، ويكفي أن الراقصة بتشغل معاها 40 راجل بشنبات.. وبرغم إني كنت شاطرة جدًا في مهنتي، ولما اعتزلت كان الاعتزال بدري جدًا، لأن المهنة بقيت مهنة لكل ما لا مهنة له».

تصريحات صفوة عن صافيناز:

وأضافت، أنها لا تعتبر صافيناز راقصة، متابعة :«أن من الفنانات اللي لسا بنحترمهم من الزمن الجميل وموجودين دلوقتي، هما دينا وفيفي عبده، وبنتكلم عن الفنانات راقصات الشرقي المحترمين من الزمن الجميل، لكن في الفترة الأخيرة طلع صافينار وماهيتاب دول مش عجبنّي نهائي».

وأوضحت: «أنا كنت جيل دينا وفيفي عبده، ولكن بعد ما بقيت مهنة كل ما العري أكتر كل ما كانت الفنانة أكبر، والفنانات المحترمات زي دينا وفيفي فين دلوقتي شغلهم أقل بعد ظهور راقصات من جنسيات مختلفة زي صافينار ولوردينا، مشيرة إلى أن دول السوبر استار دلوقت».