ضربت 3 فنانيين.. تامر فرج يتحدث عن اعتداء لوسي على فنانيين مسرحية الحفيد

كشف الفنان تامر فرج تفاصيل خلافه مع الفنانة لوسي، بسبب مسرحية الحفيد، بعد تقديم شكوي جماعية من صناع المسرحية ضد لوسي.

ضرب لوسي لمحمد يسري

وروي فرج عن أول واقعة للفنانة لوسي مع الفنان محمد يسري ، حيث قال” ده ولد صغير من الشباب بيمثل دور ابني، المفروض أن لوسي تمسكه تضربه كده في المشهد ، الولدكان بيطلع من تحت أيديها بطنه متعورة بإصابات ، قولنا لها أهدي عليه شوية.

ضرب لوسي لمخرج المسرحية

وقال أن لوسي قامت الأستاذ يوسف المنصور بطل العرض ومخرج المسرحية ومؤلفها ، لما قالها مرة قبل العرض ، يا أستاذة حضرتك بتخرجي عن النص وبتقولي كلام مش مظبوط والشخصية مش بالشكل ده ، راحت ماسكاه في مشهد من المسرحية المفروض أنها بتضربه بالقلم علشان بيقولها أنتي ست خاينة، ضربته 5 أقلام وقالت له هو ده اللي في النص يا حقير، وهو والفنان عابد عناني تداركوا الموقف وحولوا الموضوع أنه يبان جزء من المسرحية ودخل بعد كده يوسف يعيط في الكواليس.

موقف لوسي مع ندي عفيفي

واستكمل تامرعن قصة الفنانة ندى عفيفي، حيث قال “ده كان بعد أنا ما مشيت ، كاتبة على صفحتها أن هي ضربتها علشان دخلت عليها في الكلام وهي نسيت الحوار بتاعها وزي ما بيحصل مع أي حد بنساعده ، راحت ماسكاها ضربتها وقالت لها متدخليش على كلامي ، البنت دخلت تعيط في الكواليس”.