لقاء الخميسي: الرحمة حلوة.. أحنا عندنا مشاكل زيكم وبنيجي على نفسنا عشان نبسطكم

هاجمت الفنانة لقاء الخميسي، بعض رواد مواقع التواصل الاجتماعي المختلفة، بعد التعليق على بعض تصريحاتها التي أطلقتها قبل أيام.

وخرجت لقاء الخميسي، في فيديو لها عبر صفحتها على موقع تبادل الصور والفيديوهات «إنستجرام»، قائلة: «رجاء من كل الناس اللي بتتابع السوشيال ميديا اللي بيحب حد يدخل عنده ويقوله كلمتين حلوين او يصمت مبتحبش متقولش ممكن نختلف في الأراء لكن لازم نتعلم ازاي نحترم الاختلاف، ياريت نبطل نهين بعض ونرفض أفكار بعض كل واخد زي ماتربى وكل واحد وثقافته».

تصريحات لقاء الخميسي:

وأضافت: «كل شخص ليه تفاصيله ومعتقداته وأفكاره وثقافته، فلازم نحترم بعض على قد ما نقدر، ولا يصح ان اهاجم حضرت، الحاجة بقت تزهق بصراحة».

واستكملت: «الممثل عنده نفس التفاصيل اللي بتمر بيها، أزمات نفسية ومادية وعائلية ومشاكل ومنحبش نوريكوا مشاكلنا، احنا موجودين في الدنيا عشان خاطر نبسطكم ونفرحكم ونقدملكم محتوى يغير مودكم».

لقاء الخميسي: الرحمة حلوة

وتابعت: «احنا بنيجي على نفسنا عشان نبسطكم وبنحب شغلتنا وبنحبكم فرجاءا حبونا شوية وادونا هوا وشوفونا بني أدمين طبيعين عندنا مشاكل وصدقوني مفيش حد في العالم معندوش مشاكل كل واحد ربنا بيديله على قد قدراته، الرحمة حلوة يجماعة».