إلهام عبد البديع: رفضت مشهد في السرير مع مخرج كبير جدا كان هيخليني رقم 1

كشفت الفنانة إلهام عبد البديع عن رأيها في تقديم أدوار الإغراء.

الإغراء حاجات كتير ممكن ببصة

وقالت إلهام عبد البديع خلال لقائها في برنامج “نص الكلام” من تقديم راغدة شلهوب عبر قناة “النهار” إنها رفضت من قبل فيلم مهم بسبب مشهد في السرير قائلة: جالي بطولة مع مخرج كبير جدا، كان أول مشهد في السرير واعتذرت عن الفيلم اللي لو كنت عملته من 4 سنين كان زماني رقم 1، لكن مينفعش.

وعن فكرة الإغراء قالت إلهام عبد البديع: الإغراء حاجات كتير ممكن ببصة أو بحركة بحاجات بسيطة بس أنا مبعملش الأدوار الساخنة، وهي مبقتش بتتعمل زي زمان في التسعينيات والناس مش بتبقى متقبلاها وأنا بحاول أراعي الإطار اللي موجودة فيه وأخلي بالي من أدواري.

تصريحات إلهام عبد البديع

وتابعت لتحكي عن موقف جمعها بالفنان تامر حسني ونصيحة لا تنساها له: في مشهد واحد مرة عملته في فيلم أول مرة سينما وقتها تامر حسني قالي بصي أنا بحبك كده من غير مكياج وشعرك منكوش لما هتدخلي على الناس كده هيحبوكي مش لازم تعملي دور معين عشان الناس تشوفك وتامر مش قريبي ومكناش اشتغلنا سوا في “أهواك” وبعد سنين اقتنعت بكلامه، والناس بتشوفني بيقولولي بنحسك بنتنا أو أختنا.