الفنانة حنان يوسف تثير الجدل: كنت عايزة أبقى رقاصة في الأفراح وكنت معجبة جدا بالعوالم

قالت الفنانة حنان يوسف إنها كانت تتمنى أن تصبح راقصة، مشيرة إلى أنها معجبة بشكل كبير بالرقص الشرقي.

وأضافت «يوسف» خلال استضافتها ببرنامج «كلام الناس»، الذي تقدمه الإعلامية ياسمين عز، على قناة mbc مصر، اليوم الجمعة: «كنت عايزة أبقى رقاصة في الأفراح، وكنت معجبة جدا بالعوالم وكنت بحب الرقص البلدي».

وأوضحت: «الرقص معبر جدا زي باقي الفنون بيعبر عن المشاعر من غير كلام بالأداء الحركي.وكنت بتفرج زمان على الرقصات وأروح أقلدهم في البيت، ولحد دلوقتي برقص في أوضتي».

وعن موقفها من القبلات والمشاهد الجريئة في الفن، قالت «يوسف»: «لوكان اتعرض عليا مشاهد بوس كنت ممكن أوافق عادي، لكن أنا بقرف من البوس، وقبل كدة اتعرض عليا قولت للمخرج لا أنا بقرف».

وتابعت مازحة: «دلوقتي كبرنا ولا بقى فيه حب ولا بقى فيه بوس».

وكشفت سبب طلاقها قائلة إن كان بسبب مشكلات عادية بين أي زوجين، مشيرة إلى أن طليقها شخص طيب جدًا، وأنها ربما لم تبذل مجهودًا كبيرًا للحفاظ على الزواج.

وتابعت «يوسف»: «كنا فاكرين إن الحب هيفضل موهوهج، لكن بسبب الروتين دخلنا في ملل، فكان الأريح ليه وليا ولابننا إننا ننفصل، ممكن أنا أكون معملتش مجهود في العلاقة لأن خدت الموضوع على كرامتي فأخدت رد فعل غلط».