أحمد آدم: عادل إمام مع أصحابه بيشيل كل الحواجز ومحمد صبحي ديكتاتوري

أكد النجم أحمد آدم، أن العمل مع الزعيم عادل إمام مختلف تماما، خاصة أنه تجمعه به علاقة صداقة من قبل المشاركة في فيلم المنسي، قائلا: «الشغل مع عادل إمام حاجة تانية وهو كان بيحبني قوي ولما عرفته على المستوى الإنساني حبني أكثر وأنا من جمهوره».

تصريحات أحمد آدم

وأضاف أحمد آدم، في حواره ببرنامج «حبر سري»، مع الاعلامية اسما ابراهيم، على قناة «القاهرة والناس» أن «عادل إمام مع أصحابه بيشيل كل الحواجز وبيبقى في تواضع وبيطلب رفع الألقاب، وهو بيفيد كل اللي معاه وبيشوف الدائرة اللي حوله وهو محترف وفنان وإنسان».

ورد أحمد آدم على حقيقة ديكتاتورية محمد صبحي في أعماله، قائلا: «محمد صبحي مؤمن بديكتاتورية التنفيذ وديمقراطية الحوار، وهو من أعظم مخرجي الوطن العربي وعمل مسرحيات تفضل شغالة 30 و40 سنة وأفكارها عالمية يتفرج عليها أي حد، وهو بيبقى في دماغه تركيبة وشكل الضحك والموضوع وبيبقى لهم تركيبة صعب تخش تبوظها، وهي مش ديكتاتورية على قد ما هي أن الممثل جزء من الصورة مش الصورة كلها».