فيفي عبده: الراجل لازم يبقي سي السيد

علقت الفنانة فيفي عبده على آراء الإعلامية ياسمين عز التي توجه فيها رسائل للسيدات للحفاظ على أزواجهن، قائلة: «إنتي بتحبي الرجالة وكل الستات ضد الموضوع ده، إيه الحكاية يا ياسمين؟».

تصريحات فيفي عبده

وردت عليها ياسمين عز، خلال تقديمها برنامج «كلام الناس» الذي يذاع على شاشة «mbc مصر»: «شفنا في العصر اللي إحنا فيه الست بتفضح الراجل على السوشيال ميديا، علشان كدة بدأنا ننتبه إن لازم ناخد بالنا من علاقة الرجل والمرأة».

وتابعت: «وكل اللي قلته الست تاخد بالها من الراجل وتعامله سي السيد، ولما يتعصب تسيبه يهدى وتقول له حاضر، هل كدة يسيء لها في شيء، لقيتهم بيقولوا إني بكده بخلي الست شخصيتها ضعيفة».

وقالت فيفي عبده: «أنا شخصيتي قوية، لكن أنا طول عمري بقول الراجل سي السيد، هو لما يبقى شرّابة خرج هيملى عينيا، لازم يكون سي السيد في البيت وبره البيت».