مايا دياب: حياتي مش هتكمل بدون راجل لأنه كل حاجة فى الدنيا

كشفت الفنانة اللبنانية مايا دياب عن رأيها الشخصي في موضوع المساواة بين الرجل والمرأة، وذلك خلال لقاءها ببرنامج "كلام نواعم" عبر شاشة تلفزيون قناة "إم بي سي".

حيث قالت مايا دياب: "أنا خسرت أشخاص بسبب آرائي بس شايفة أنهم اللي خسروني مش أنا، ولو شخص بعد عني من أجل آرائي هو لا يستحقني، وأنا بتضايق لما بلاقي الفنانين بيتكلموا على المساواة بين المرأة والرجل بشكل سطحي، وبكون عايزة أقول للفنان أسكت وأقعد في بيتك أحسن، وأنا قررت اسميها حياة المشاركة مش المساواة".

وجهة نظر مايا دياب

وتابعت: "أنا عايزة المساواة في القوانين والأحوال الشخصية والعمل لأني فرد في الدنيا ومش عايزة الراجل يبصلي على أني ست لا أنا عايزاه يتعامل معايا كإنسان زيي زيه، وفي النهاية أنا حياتي مش هتكمل بدون رجل لأنه الحب والحنان والعطاء والسند، وهو كل شيء في الدنيا زي ما أنا كل شيء بالنسباله".

واستطردت: "وعندنا في لبنان صراع أديان وطوائف بشكل بشع ومع ذلك كان نفسي أكون رئيسة دولة لأننا محتاجين امرأة قائدة لأننا تفكيرنا مختلف عن الرجل".